Pikin Development and milestones: Yur 5 Years 2 Months Old

Pikin Development and milestones: Yur 5 Years 2 Months Old

Make yu check out the developmental milestones for pikin wen be 5 years 2 months old!

E be like sey na just yesterday yur  pikin been dey rely on yu for every thing wen he want.  But as yur pikin don reach 5 years 2 months old so, yur smally don dey ready to take d world by storm! For dis age weyhe dey so, yur pikin na optimist who im attitude go allow am try new things and he no go hesitate.

Generally, yur 5 years 2 months old pikin dey happy to take life as he see am. Yu go notice sey d go-getter attitude wen yur pikin get; go see am through some of d things yur pikin go say, like "Sure!" and "Wonderful!" Best thing be sey yur pikin go dey more cooperative wia yu dey becos he/she dey no dey try prove sey na im be boss for hia!

Hia na some of d key milestone wen yu go take note for pikin wen be 5 years 2 months old.

5 Years 2 Months Old Development and Milestones: Shey Yur Pikin Dey On Track?

your child loves to play at this age

Physical Development

Yur pikin dey veri confident for him/her own ability as he/she dey so. He/she no dey fall plenti like before again and he fit perform many task wen be like sey dem dey difficult small. Dis confidence fit be becos of d  20/20 vision wen yur pikin come get now.

But no be onli perfect visoin dey make yur pikin see things well. Yur 5 years 2 months old pikin don sabi control him body, he/she undastand wetin e fit do physically and e know wia him/her limitation reach. Dis one fit reduce d numba of wounds and accidents wen he/she fit get.

Some physical action wen yur pikin fit do at 5 years 2 months old na:

  • Climb up and down d stairs if yu no hold him hand
  • Waka go front and back without any problem.
  • Hop and skip with full confidence
  • Fit do him zip and buttons
  • Prefer make he/she use one hand pass d oda.
  • Learn how e go use two fingers and thumb take hold pencil
  • Hold cutlery well.

For dis age, yur pikin median height and weight suppose be:

  • Boys
    – Height: 110.3 cm (43.4 inches)
    – Weight: 18.9 kg (41.6lb)
  • Girls
    – Height: 109.1 cm (43.0 inches)
    – Weight: 18.4 kg (40.6lb)

Parenting Tips:

  • Allow yur pikin make he/she get time and space take play for outside. Wen yu encourage am, e dey help am develop him/her gross moto skills dem.
  • Invite yur pikin friends make dem come or yu allow am go for play dates. Yur pikin like make he/she dey follow oda pipu dey and he/she fit learn wen he/she dey look as dem dey do new things.
  • Enrol yur pikin for class wen get physical activity, like karate, ballet, or swimming. If he/she dey learn some kine things, e go help am dey flexible and he go enjoy wen e get wetin he/she dey aim for.
  • Encourage yur pikin make he/she dey help make breakfast. He/She fit handle cereal and milk with no problem. Although he/she fit throway some. Tell am sey e dey okay if he/she mess up d table small wen he/she dey eat, but make yu teach am how e go take clean am too.

Wen Yu Fit Follo Doktor Talk

If yur pikin:

  • No fit brush teeth or wash hand if yu no help am.
  • Nor fit put blocks wen dey high togeda.

their cognitive development is great

Cognitive Development: 5 Years 2 Months Old Pikin

By now, yur smally dey veri much aware of  wetin d world be and he/she sabi wetin some things be and how dem dey take work. He/She sabi wetin money be and fit tell yu d difference between coins and notes.

Yur pikin dey constantli learn and dey pick  new skills, so e go dey hard to pinpoint d exact milestone for 5 years 2 months old pikin. However, yur smally na person wen dey naturally curious and he go kontinue to dey learn/try new things. Dis one show sey yur pikin dey grow and he sabi explore.

Yu fit see sey yur smally dey do pretend play! He/she fit play reach 15 minutes and e no go break character.

Hia na some cognitive milestone wen yu go dey aware of for dis age:

  • Know sey story get beginning, middle and end
  • Identify weda numba and letter no dey in orda
  • Do one activity reach 15 minutes
  • Plan ahead for d next activity

Parenting Tips:

  • Follow yur pikin dey do role play wen yu dey read give dem. D books dey predictable and yur pikin memory go dey improve as he dey recite d lines wen each character get.
  • Take yur pikin go shopping make he for see/learn different things and wetin dem dey do.
  • Help yur pikin  practice him writing and drawing. Encourage am make he draw different objects, make yu praise am for any effort wen he make.

Wen yu fit follo doktor talk

If yur pikin:

  • Get veri few things wen dey interest am.
  • No dey do pretend play

engaging and social child

Social and Emotional Development

Yur 5 years 2 months old pikin na veri sociable, adorable person wen dey see yu as role model; he/she dey look up to and want make yu dey happy with am. Yu go notice sey yur pikin go dey look yu for approval/comfort. Yur pikin go try different ways make yu express yur love give am becos of him need for reassurance.

By now, yur pikin don dey show love give oda pipu. Yur 5 years 2 months old pikin sabi follow oda pikin get along; and sometimes he go wan follow dem play even if yu no dey dia.

Make yu look out for d following development:

  • He/She dey like wen he follow oda pikin play (usually na two); dey follow oda pipu get along, although he/she dey play well with two friends pass three.
  • Like make he/she dey play “house”
  • Like to use toy wen get block take play
  • Like to swing, climb, jump and skip.
  • Wan satisfy him/her friends and fit dey adopt some of dia character.
  • Like make yu dey give am attention

Parenting Tips:

  • Ask yur pikin how e dey feel wen he dey tell stori. Wen he learn how to express himself na d first step to manage strong emotions like anger and sadness.
  • Follow yur pikin play games wen get rules. Dis one go give yu opportunity to teach yur pikin how he go handle if he lose d game: he go fit use am as learning opportunity make he try again instead make he dey throw tantrum.
  • While yur pikin like to dey follow oda pikin dey play, encourage am make he play by himself . Get yur  pikin things like yur  old clothes, shoes, even pots and pans, so he fit dey do imaginary play wen go boost him imagination and creativity.

Wen yu fit follow doktor talk

If yur pikin:

  • No dey make eye contact or respond give oda pipu.
  • Sometimes dey sad and he no dey happy
  • No dey express wide range of emotion

Speech and Language Development

Yur pikin sabi talk at 5 years 2 months old. He/she fit talk clearli for sentence wen get pass five words. Yur pikin undastand plenti thing wen yu dey talk and he fit follow yu hold conversation.

E dey normal for children wen dey dis age make dem stammer. If yur pikin dey stumble ova him words once in a while, no fear- all na part of yur pikin normal speech and language developmental process.

Yur pikin vocabulary don pass 2000 words and na so e dey grow everi minute. He/She fit even try to add new words and fit get dem wrong sometimes.

If he/she dey struggle, try make yu no correct am immediately. Instead wen na yur turn to speak, make yu use d correct word.  If yu sey "Yes, I go love to get bowl of spaghetti", e betta pass make yu stop am wen he/she dey middle of sentence just becos yu wan correct mispronunciation.

Hia na some speech and language milestones wen yur pikin fit don reach by now:

  • Tell story with sentence wen dey complete.
  • Dey use him future tense well.
  • Recognise most of d letters wen dey d alfabet.
  • Tell jokes and stories wen dey long
  • Dey follow simple multi step direction

Parenting Tips:

  • Make yu take time dey read give yur pikin wen time for bed don reach. Encourage yur pikin make e dey pick different book every night; no forget to ask yur pikin question about d story sef. Dis one go help am expand him vocabulary.
  • Talk about wetin happen for day time. Use words wen dey describe take refer to time, like  "before" and "a while ago".
  • If yu notice sey yur pikin wan dey frustrated becos he dey stammer, make yu follow am get patience. Take time make yu listen to am; encourage am make he think about wetin he wan talk, before he talk. Dis fit help am control d way wen he dey stammer.

Wen yu fit follow yur doktor talk

If yur pikin:

  • No dey excited to tell yu about d things wen he do for d day.
  • No fit sey him full name
  • Neva fit complete full sentence

5 Years 2 Months Old child writing on paper

Health and Nutrition

Yur 5 years 2 months old pikin don dey weigh  17kg-20.3kg  and 106cm-112.2cm for height. He go need to take  1,200 to 1,600 calories everi day and e go depend on d way wen he take dey active.

By dis age, e go dey easy make snacks belleful yur pikin. Ideally, yu suppose dey try give yur pikin three meals (breakfast, lunch and dinna) with two healthy snacks before d day go end.

Yur pikin diet suppose get different balance nutrient and mineral.

D calorie intake for boys and girls of this age  dey as follows:

  • Boys: 1,678 Kcal/day
  • Girls: 1,572 Kcal/day

Dia nutritional component suppose be :


Yur pikin need two servings of protein (32.4g) everi day. One serving dey equal to  one to three tablespoons of lean meat, chicken, or fish, four to five tablespoons of beans wen dry and peas, or one egg.


Yur pikin need about one to three (100g) cups of fruits everi day. One cup of fruit dey equal to  one cup of fresh, frozen, or canned fruit, half (1/2) cup dried fruit, half (1/2) of a large apple, one eight- or nine-inch banana, or one medium grapefruit.

If your child wan drink fruit juice, make sure sey na 100 percent juice wen sugar no dey.


At  dis age, yur pikin require two cups (100g each) of vegetables everi day. One cup of vegetables dey equal to one cup of cooked or raw vegetables, two cups of raw leafy greens, one large tomato, or two medium carrots.

Make yu try dey give yur pikin different kin vegetable wen get dark green, red and orange, beans and peas, starchy and others, everi week. Wen yu dey pick can or frozen vegetable, make yu find d one wen dey low in sodium.


E dey good make yu introduce minimum of four ounces of grains inside yur pikin food. One ounce of grains dey equal to one slice of bread, one cup of ready-to-eat cereal, or half (1/2) cup of pasta wen dem don cook or cereal wen dem don cook.

Make yu choose whole grain like,whole-wheat bread, oatmeal, popcorn, quinoa, or brown or wild rice. reduce grain wen dey refined like as white bread, pasta and rice.


Yur pikin need to drink  minimum of 17 to 20 ounces of milk everi day. Instead of milk, yu fit even dey mix am with one cup of yogurt or soy milk , 1½ ounces of natural cheese (wen dey around d size of four stacked dice), or two ounces of processed cheese (wen dey d same as d  size of five stacked dice).

To round everi thing up, make yu try add  3-5 ounces of protein (2 matchbox-sized portions of meat or 1 egg), 1-1.5 cups of fruit (1 small banana, 2 strawberries quartered), 1.5-2.5 cups of vegetables, 4-6 ounces of grains (2 tablespoons of rice or 1 slice of wholegrain bread or 2 tablespoons of pasta), and 2.5 cups of dairy everi day.

Hia na wetin yur pikin need everi day (read up to know d amount wen yu fit give am):

  • Fruits: three cup for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 32.4g for boys; 32.4g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)

Parenting tips:

  • Reduce snack wen get sugar finish. Yur pikin fit chop d whole bag if yu allow am. As dem no get any health benefit so, snacks wen get sugar go just get bad health effect.
  • Try make yu dey cook food wen dey simple. No be everi time yu go dey cook like sey yu dey 5 star hotel. Although yur pikin dey smart and he/she fit use fork take chop, d one wen dem fit use finger take chop dey fun and e dey easy to chop, as well as cook.
  • Make sure sey yur pikin drink at least 1.5 ltrs of water everi day.

Vaccinations and Common Sickness

Yur pikin don almost collect all him vaccination by dis age. Ask yur doktor for d one wen yur pikin need to take regularli, like d one for flu.

As yur pikin dey spend time with oda pikin him age, make yu expects sey he/she go get common cold and flu once in a while.  Hand, foot and mouth disease na anoda disease wen dey common among pikin wen dey dis age. Yu fit prevent plenti of dese condition if yu dey teach yur pikin basic hygiene, wen include to dey wash hand.

Treating Common Illnesses

Out of all d common sickness wen yur pikin fit catch, d one wen dey common pass na cold, feva and cough. Make we see how yu fit manage am for house.

  • To treat Cold: E dey advisable make yu avoid medicine wen yu fit buy ova di counta unless e dey absoluteli necessary. Na virus dey cause cold so antibiotics no go fit work for am. But, once d cold don shift enta feva wen dey carri aches and bodi pain follow am, abeg go see doktor.
  • To treat feva: Give yur pikin plenti water if d feva don pass 38°C (100.4°F) and make sure sey e rest well. Yu fit even apply warm compress for him forehead, armpits and private part area make d temperature fit come down small. But, if d teperature don come high pass 38°C (100.4°F),abeg carri am go see doktor make yu follow d advice wen he go give yu to take manage yur pikin health.
  • To treat cough: Na cough na im common pass among pikin. e fit dey irritating once sneeze and catarrh don follow am. E go dey best if yu first try some kin home remedy; like ginger and honey wen yu mix inside warm water. Yu fit also tell yur pikin make he/she drink minimum of eight glasses of water for d  day to help am reduce any discomfort wen he dey get. If d cough no stop afta three to five days,carry am go see doktor.

E dey important make yu know sey, e get some medicine wen yu no need prescription to buy; but d best thing wen yu fit first do to treat mild issue like dis na to first give am all dese simple home remedy.

Give plenti warm water to pikin wen get cold and cough. Yu fit give yur pikin warm water and salt make he use take gargle if he get sore throat.

Wen Yu Fit See Doktor

If yur pikin:

  • Dey underweight or overweight; or dey lose/gain weight fast
  • Get rashes and lumps wen yu no just undastand.
  • Get feva wen high pass 39 degrees Celsius

References: Mayoclinic, WebMD, Kidshealth

Previous month: 5 years 1 month

Next month: 5 years 3 months

Republished with permission from The Asian Parent

(*Disclaimer: Dis na di median height and weight according to WHO standards)

Any views or opinions expressed in this article are personal and belong solely to the author; and do not represent those of theAsianparent or its clients.

Written by

Anino Aganbi