Development And Milestones: Yur 5 Years 3 Months Old Pikin

Development And Milestones: Yur 5 Years 3 Months Old Pikin

Shey yu know sey yur pikin don sabi tie him shoelace by now?E get plenti thing wen yur 5 years 3 months old pikin fit do!

Yur 5 years 3 months old pikin no dey show sign sey e wan slow down for him development dem. D rate wen he take dey learn dey develop with full speed. Yur independent pikin so, don dey ready for pre-school, if he neva start sef. Yu go even see sey yur pikin calm for school pass house. He dey enjoy him new environment and dey learn all kine new things.

Make we look d  milestones wen yur 5 years 3 months old pikin fit don reach.  Also,make yu rememba sey dis one na onli guideline. So if yu get anything wen dey worri yu about yur pikin development, make yu carri am go see doktor.

5 Years 3 Months Old Pikin Development and Milestones: Shey Yur Pikin Dey On Track?

5 years 3 months

Physical Development

Yur 5 years 3 months old pikin don turn athlete! He dey run, skip and without an issue. Him mind and bodi dey veri active as he dey kontinu to learn more about d world wen dey around am while he dey enjoy d process.

Yur pikin fit don stop to dey sleep for afternoon, but make he dey sleep reach 11 hours for night. E good make yur pikin dey quiet from time to time. E fit use dat time take read or do puzzle instead make he dey run up and down. Additional rest go help am regulate him energy level and he go feel positive wen dinna time don reach.

Yur 5 years 3 months old pikin suppose fit do d following things:

  • Wear him shoe by himself
  • Use one foot take balance reach 10 seconds
  • Clap to  tune
  • Use fork, spoon and sometimes  knife take chop him food
  • Stay dry for morning and night
  • Go toilet and even baff by himself
  • Turn cartwheel
  • Fit confidentli climb stairs, dey use one foot per step.
  • Dey run and he no go stumble
  • Fit climb equipment wen dem dey use take play or even tree sef.

By dis stage, yur pikin median height and weight* suppose be:

  • Boys
    – Height: 110.8 cm (43.6 inches)
    – Weight: 19.1 kg (42.0lb)
  • Girls
    – Height: 109.7 cm (43.2 inches)
    – Weight: 18.6 kg (41.0lb)

Tips:

  • No stay far from yur pikin wen he dey baff. He fit dey sure of wetin he dey do. But e betta  make yu dey safe incase any thing wan happen.
  • Carri yur pikin go new play ground and encourage am make he conquer new equipment wen dey dia.
  • Consida make yu enrol yur pikin wia dem dey swim if yu neva do am already.
  • Limit d time wen yur pikin dey use take watch cartoon, instead encourage am make he play plenti.

Wen Yu Fit Follow Doktor Talk:

  • If yur pikin get cloudy or pink wee, dey experience burning sensations wen he dey piss, or dey piss for bed everi time.
  • Dey veri clumsi wen he dey play.
  • Dey squint or yu feel sey he no dey hia yu.
Cognitive Development

Yur pikin no dey stop to amaze yu with d kine things wen he dey rememba and dey kontinu to learn. He fit concentrate for 15 minutes at a time and e go help am well for school. Yur pikin go get plenti things wen he go learn by himself.

As parent, yu go see sey yur attention divide between to balance yur role between sey yu dey nurture and encourage yur pikin. E dey veri easy make yu come dey ovaprotective and na wetin go make am dey hard make yu encourage yur pikin. Give yur pikin space make he for fit explore and experiment things wen new. If yu see sey he dey struggle, make yu resist d temptation wen wan push yu to go help am.

engaging and social child

Make yu dey look out for dese developments wen e reach yur pikin:

  • Sabi wetin dey right or wrong
  • Dey write some of d alfabet
  • Write some numba
  • Fit count reach 10
  • Dey recite d alfabet well.
  • Draw person wen get bodi
  • Fit focus on something for at least 5-10 minutes
  • Sabi read two letta words.

Parenting Tips:

  • Introduce new activiti give yur pikin. Encourage am wen he dey try to complete him work and no fit finish am till he find solution by himself. E dey give yur pikin room to build him self confidence and problem-solving skills.
  • Practice puzzle wen get 12 pieces. E fit no be like sey e plenti, but yur pikin go sabi how e go take do d one wen big afta.
  • Encourage yur  pikin make he dey plan ahead and explain wetin him next activity fit be. Dis one go stimulate d way he go take plan for him future.

Wen yu fit follow doktor talk

Your pikin

  • No fit concentrate for one task reach five minutes.
  • Dey find am hard to use two finga take hold crayon
  • Lose skill and abiliti wen he been get

your child is deloping friendships at this age

Social and Emotional Development

Preschool dey present new ball game and fresh opportunity make yur pikin make friends with. Yur pikin go show interest for oda pikin and adult wen dey outside d family. In fact, he dey like to follow oda pikin wen be d same sex with am take play.

He still wan do everi thing take impress yu. He go run come house come tell yu wetin he get for him test and homework. Rememba make yu praise yur pikin if he do well and encourage am if he dey disappointed sey he no do well.

Generali, yur pikin go fit achieve dis milestone for dis age wen he dey so:

  • Dey more self confident
  • Dey like to play with him mates dem.
  • Like to share him toy
  • Undastan and like to dey follow instruction
  • Imitate wetin adult dey do, including dia emotion
  • Fit tell weda anoda person dey happy, sad or dey vex
  • Undastand d difference between fantasy and reality

Parenting Tips:

  • Encourage yur pikin make he fit make him own choice often.
  • Rememba make yu follow yur pikin talk if yu catch am dey lie. By now, yur pikin go wan dey competitive and he go wan try bend d rules make he get wetin he want.
  • Install parental control for yur computa and television.
  • Rememba make yu dey watch yur pikin wen yu dey cross road. Yur pikin don dey more independent from una. He fit come take big risk to show sey he dey independent.

Wen yu fit follow doktor talk:

  • If yur 5 years 3 months old pikin dey shy/ quiet afta he reach house from school, den e fit be sey na becos dem dey bully am.
  • If he dey show sign of aggression.
Speech and Language Development

Yur 5 years 3 months old pikin don turn serious conversation partna wen yu fit get! He/she fit use five words inside sentence at a time. He undastand plenti thing wen yu dey talk, so far yu no add jargon or words wen dey long. If yu do, yur pikin go ask yu wetin dem mean. Him vocabulary don reach 2,500 words!

your child's linguistic abilities

As impressive as d fact sey yur pikin dey sabi use word reach, yu go discova sey he get lisp wen he dey pronounce some kine words, especialli d one wen get “s” consonant. If he dey pronounce  seven as “theven”, no worry. E dey veri common with pikin wen dey dis age as dem dey learn how dem go take pronounce new words. He go outgrow am wen he don reach 7.

Oda speech and language milestones yur pikin fit don achieve by now na:

  • He go fit follow yu debate (and even argue join sef!). He go dey use becos plenti times.
  • Use opposite wen he wan compare, e.g. “Yur hand big pass my own”
  • Use future tense
  • Start to undastand sey some word get pass one meaning.
  • Undastand jokes betta
  • Dey use possessive form of nouns, e.g. “D car wheel dey round”.

Parenting Tips:

  • Tongue-twisters go help yur pikin sabi different sound. Or make yu play game wen dem dey clap for house, make yu ask yur pikin make he clap d numba of times wen he take hia one particular sound for word or sentence afta yu don read am give am.
  • Encourage yur pikin make he tell yu about how school take go, especially wetin he like and dislike. Dis one go help am for show and tell for school, and he go learn how to take express d way wen he dey feel.

Wen yu fit follow doktor talk:

  • If yur pikin no dey use past tense at all.
  • If yur pikin no dey ask question about words wen he no dey familiar with or situation.
5 years 3 months

fruit smoothie,fruit juice

Health and Nutrition

Yur big pikin go weigh around 17kg-20.3kg  and be 106cm-112.2cm for height. He go gain 6cm (2.5 inches) by d time he don 6 years old, and 1.8kg-3.1kg (4 to 7 lbs) everi year.

As yur pikin dey grow quickly, him appetite go naturally go up sef.  While he fit eat 1,200 calories and more, e dey important make yu provide enuf nutrients and minerals inside him food.

Typically, d calorie intake for boys and girls wen dey dis age na:

  • Boys: 1,685 Kcal/day
  • Girls: 1,579 Kcal/day
Nutrient/Mineral Recommended Daily Amount Food Sources (nutrient/mineral value)
Calcium 1,000mg 2 cups milk (150mg) OR 2 cups yoghurt(207mg) OR 2 slices Swiss cheese  (112mg)
Iron 10mg small bowl of cereal (12mg) OR 1 slice of wholemeal bread (0.9mg) OR a small handful of raisins (0.7mg)
Essential Fatty Acids (EFA) 10g of Omega-6, 0.9g of Omega-3 child palm-sized piece of salmon (0.425g) OR 1 hardboiled egg (0.1g) OR a handful of walnuts (2.3g)
Magnesium 130mg Small bowl of all bran cereal (93mg) OR 1 tablespoon of peanut butter (25mg) OR half a banana (16mg)
Vitamin A 0.4mg 3-5 chunks of sweet potato (3.8mg) OR quarter of a bell pepper
Vitamin C 25mg 2 cups fresh orange juice (50mg) OR 6 florets of broccoli (30mg) OR 1 tomato (5mg)
Vitamin E 7mg 28g peanuts (2mg) OR 40g raw mango (0.9mg)
Potassium 3,800mg Half a baked potato (463mg) OR 5 chunks of cantaloupe (208mg) OR a handful of spinach (210mg)
Zinc 5mg child’s palm-sized piece of cooked beef (3mg) OR child’s palm-sized piece chicken (0.6mg) OR 2 slices cheddar cheese (0.4mg)

Here na snapshot of wetin yu fit give yur pikin to help am fulfil him daily nutrient requirement.

Protein  

Yur pikin need two servings of protein (32.4g) everi day. One serving dey equal to one to three tablespoons of lean meat, chicken, or fish, four to five tablespoons of dry beans and peas, or one egg.

Fruits 

Yur pikin need three (100g) cups of fruits everyday. One cup of fruit dey equal to one cup of fresh, frozen, or canned fruit, half (1/2) cup dried fruit, half (1/2) of a large apple, one eight- or nine-inch banana, or one medium grapefruit.

If yur pikin wan drink fruit juice, make sure na 100 percent juice without sey dem add sugars. Give fresh fruit anytime wen yu fit, e go dey preferable if yu give am with d skin becos of fibre wen dey inside am.

Vegetables 

For dis stage, yur pikin need two cups (100g each) of vegetable everi day. One cup of vegetable dey equal to one cup of cooked or raw vegetables, two cups of raw leafy greens, one large tomato, or two medium carrots.

Give yur pikin rainbow for him/her plate” everi week. For example, different vegetables wen get many colour,like dark green, red and orange, beans and peas, starchy and others, each week. Wen yu dey select canned or frozen vegetable, find d one wen dey low for sodium.

Grains 

Introduce  minimum of four ounces of grain inside yur pikin food. One ounce of grain dey  equal to one slice of bread, one cup of ready-to-eat cereal, or half (1/2) cup of cooked pasta or cooked cereal.

Make yu choose whole grain, like whole-wheat bread, oatmeal, popcorn, quinoa, or brown or wild rice. Reduce refined grain like white bread, pasta and rice.

Milk/Dairy 

Yur pikin suppose drink minimum of 17 to 20 ounces of milk a day. Yu fit even substitute one cup of milk with one cup of yogurt or soy milk , 1½ ounces of natural cheese (around the size of four stacked dice), or two ounces of processed cheese.

To summarize everi thing wen we don dey talk since, hia na wetin yur pikin need everi dey. Yu fit read up if yu wan kmow d quantity wen yu go give am.

  • Fruits: three cup for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 32.4g for boys; 32.4g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)

Parenting Tips:

  • If yu avoid to give yur pikin ovafeeding, e go help am reach certain standard for weight– everi pikin dey different and yu no fit force am make e chop pass normal. Yur doktor go get custom growth chart for yur pikin wen yu fit refer to.
  • If yur pikin dey show sey him dey left handed, make yu put am for place wia him elbow no go dey knack anoda person own wen he dey chop. Dis go save plenti tears and go ensure sey everi bodi dey enjoy dia food comfortabli.
Vaccinations and Common Illnesses

Most of yur pikin  vaccination don alreadi dey covered by now. But make yu ask yur doktor for common ones wen yur pikin go need on regular basis like d one for flu.

As yur pikin dey spend more time for school, make yu expect sey he go catch common cold and flu. Yur pikin fit get rashes, na dat one make yu dey on d look out for. Encourage yur pikin make he dey tell yu if he get any discomfort for him bodi, or if yu see sey he dey scratch bodi.

To Treat Common Disease

Out of all d common sickness wen yur pikin fit catch, d one wen dey common pass na cold, feva and cough. Make we see as yu fit manage am for house first.

  • To treat Cold: E dey advisable make yu avoid any medicine wen yu go buy ova d counter unless e dey veri necessari for common cold. Na virus dey cause cold, so antibiotics no go fit cure am. But if d cold don turn feva and ache and pain don come follow am, e betta make yu go see yur doktor.
  • To treat fever: Give yur 5 year 3 months old pikin plenti water make e drink if yur pikin get fever wen don pass 38°C (100.4°F) and make sure sey  he/she rest well. Yu fit also put warm compress for him forehead, armpits and private part area to help am bring d temperature down.  Howeva, if yur pikin temperature don high pass 38°C (100.4°F), make yu take am go see doktor and make yu follow d medical advice wen he go give yu take manage yur pikin health.
  • To treat cough: Cough na something wen dey common among pikin. E fit dey irritating once catarrh and sneeze don follow am. E go dey good if yu try home remedy first like ginger and honey wen yu mix inside warm water. Yu fit tell yur pikin make he drink minimum of eight cups of water daily to help am reduce any discomfort wen he dey feel. If afta five days, d cough still neva go den make yu carri am go see doktor.

E dey important make yu as mama know sey while yu fit buy some medicine without prescription, e betta if d first treatment wen yu give yur pikin for small small sickness like dis na simple home remedi.

Give pikin wen get could and cough plenti warm water make he drink. Yu fit help yur pikin use warm salt water take gargle if he get sore throat.

Wen yu fit follow doktor talk:

If yur pikin:

  • Dey seriousli unda or ova-weight
  • Get unusual rashes, lumps or bruises
  • Get feva wen pass 39 degrees C

References: WebMD

Previous month: 5 years 2 months

Next month: 5 years 4 months

Republished with permission from The Asian Parent

(*Disclaimer: This is the median height and weight according to WHO standards)

Written by

Anino Aganbi