Pikin Development And Milestones: Yur 5years 4months old

Pikin Development And Milestones: Yur 5years 4months old

For inside dis article, we go track physical, cognitive, language, emotional, and medical development and milestones of yur 5 years and 4 months old pikin.

Dis na veri exciting and challenging time for yur 5 years and 4 months old pikin. For one hand,  yur pikin just dey commot from small pikin wen he dey, for d oda hand na im future as preschooler. Naturally, yu go notice some kine extreme contradiction for him behavior.

D good news be sey na dis age na im yur pikin get control pass for wia him emotion dey. He/she dey undastand instruction well now and fit follow am through. Dis one go help your pikin siddon tey for class, concentrate for wetin teacher dey talk and learn fast.

Which oda thing yu fit expect from pikin wen be 5 years 4 months old so?

Make we dey look, keep for mind sey everi pikin dey learn and develop for him own time and pace. If you dey worri about yur pikin development, make yu go see yur doktor.

5 years 4 months Old Development and Milestones: Shey Yur Pikin Dey On Track?

5 years 4 months

For dis age, yur pikin go don dey lose all d chubbiness and go start to resemble d preschooler wen e go soon become.

Physical development

Yur growing pikin wen don turn 5  years 4 months so, don leave d days wen he still be toddler for back. By now, e go dey less chubby pass before and go get long limbs and thin bodi. Dis na becos, around dis age, d weight wen pikin dey gatha dey slow down and dem dey get muscle. 

For wia physical development dey concern, yu go see sey yur pikin go gain 1.8-2kg dis year and he go add two inches for him height. Him vision go become 20/20.

For dis stage,yur pikin median height and weight suppose be:

  • Boys
    – Height: 111.3 cm (43.8 inches)
    – Weight: 19.2 kg (42.4lb)
  • Girls
    – Height: 110.3 cm (43.4 inches)
    – Weight: 18.8 kg (41.4lb)

To add join dis one, make yu check d following 5 years 4months old development and milestone.

  • D size of yur pikin head don almost big reach adult own.  
  • He/she fit start to lose him milk teeth.  
  • Yur pikin bodi don be like adult for proportion.  
  • He dey extremeli active.
  • He/she dey capable to use him eye take track something, he even get binocular sight.   
  • No dey shocked wen yu see am dey use back take waka for toe to heel direction.
  • Yur pikin fit waka up and down d stairs if nobodi hold him hand. 
  • He/she fit touch him toes and he fit try somersault, if he see who go teach am well. 
  • Yur acrobatic pikin fit waka strait and he fit dey change leg wen he dey skip. 
  • He/she fit catch ball if d gap wen yu throw am from no too far. 
  • Yur pikin don dey sabi ride bicycle or tricycle and he don sabi steer am. 
  • He/she dey jump/hop reach 10 steps and no go fall.
  • Yur pikin get fair control ova biro/marker and he fit colour in between lines. 

To add join dese physical development dem, yu go notice sey yur pikin don masta how to use him hand well. He/she fit build structure wen get three dimension if he use small cubes and copy image.


  • Help yur pikin use all dat energy take learn new skill and participate for physical activity. Enrol am for sports/ physical activity wen dey age-appropriate.
  • Teach yur pikin table manners wen he go fit use along with d way wen he dey hold him cutlery.
  • Encourage yur pikin make he dey more independent for him/her daily routine while he/she dey improve e motor skills wen fine. Follow am dey practice how he go tie shoelace or do button/ zip.

Wen yu fit follow doktor talk

If yur pikin,

  • No dey able to waka straight or stand for one leg, or jump sef. 
  • Still dey find am hard to hold biro/pencil.
  • No sabi use/hold cutlery

creative child

Cognitive development

D way wen yur pikin bodi dey take develop fast, na so him mental ability dey do too. Yur pikin cognitive development dey help am solve problems wen dey hard small, sort objects and even dey inquisitive( he sabi ask plenti question.)

Make yu observe some of dese milestones for yur  5 years 4 months old pikin.

Yur pikin: 

  • Fit count to 20 and above. Some fit count reach 10.
  • Fit use colour and shape take sort object.
  • Fit use two triangular block take make square.
  • Dey undastand wetin yu mean by tallest or biggest. He/she fit use size take arrange things -from smallest to biggest.
  • Get basic undastanding of rank: first, second or last.
  • Fit tell yu wetin be time:D common examples na two o’clock or five o’clock.
  • Don dey recognize money and dey start to save.
  • Don dey undastand wetin yu mean by half.
  • Don dey inquisitive dey ask plenti question and he/she dey curious about things and pipu wen dey around am.


  • Expose yur pikin to different kine activities and new experience. Introduce new toy give am wen go help am with new skill and concept.
  • Follow am practice how he/she go take letters of alfabet togeda. Yu fit make am dey interesting if yu do am for sand box, beach or use stone/button sef.
  • Give yur pikin instruction wen get three steps, guide am if d need dey.
  • Practice with am how to count object/pipu, and to read/recite words and alfabet.

Wen yu fit follow doktor talk

If yur pikin

  • Still dey find am hard to count reach five or pronounce any letter/word.
  • No dey interested for anything wen dey around am, and no dey ask yu question join.
5 years 4 months old

At 5 years and 4 months old, your little one is an obedient child and obedient to parents and caregivers.

Social and Emotional Development

By d time pikin don reach age 5, some of dem don get steady friends and fit even don get one or two best friend.

Yur pikin dey cooperate wen he dey play, dey more generous with toys and dey willing to share. He/she dey participate for play group and activities. Yu fit even see sey yur pikin dey suggest elaborate play for imaginary setup. 

Yur smally don dey turn clown wen dey entertain. He/she dey like to engage friend/family wen he perform give dem.

Oda social milestones na:

  • Yur pikin dey caring and supportive, and he dey feel for oda pipu wen dey in pain.
  • Yur pikin dey obedient and go hia wetin yu dey talk sometimes.
  • He/she still need plenti reassurance and love from you.
  • He/she get betta control ova him emotion. Tantrum don disappear or dey veri rare.
  • Yur pikin dey enjoy am wen he follow oda pipu talk wen no be friends/family.
  • Yur pikin fit boast about wetin he achieve.


  • D time wen pikin dey discova best friend, dem fit discova rejection join. Communication na d key wen yu fit use take help yur pikin undastand how d world be.
  • Allow yur pikin d freedom wen he need to take make him own friend. No force am make he like anybodi. 
  • E dey important make yu dey monitor wetin dey happen for yur pikin class/playroom, especially if yur pikin dey withdraw for house. Bullying dey veri common for dis age as children dey try to show who get authority pass wia dem age mates dey concern. 
  • No stop to dey show yur pikin d love and support wen yu get for am.
  • Encourage yur pikin make he follow oda pikin play outside. 
Wen yu fit follow doktor talk

If yur pikin,

  • Prefer make he dey by himself and no wan follow anybodi talk. 
  • No wan go school or play with him friends wen dey house.
  • Dey always complain of pain for belle(dis fit just be sign sey yur pikin dey anxious)
Speech and language development

For 5 years 4 months old, yur pikin fit tell yu wetin he want for him own word. He fit make everibodi undastand him message and react to instruction positiveli. 

By now, yur pikin vocabulari don reach  1,500-2,000 words or more. Yur pikin fit define things by wetin dem dey do.  Dis mean he/she fit sey : “D ball fit bounce” or “our bed na to take sleep.”

One important part of 5 years 4 months old pikin speech development indicator is na speech wen dey intelligible. Yur pikin fit pronounce sentence wen get five-seven letta words inside am.

All dis na just few speech and language milestone wen yur pikin go reach for dis stage. Make yu expect d following sef. 

Yur pikin:

  • Fit identifi/name four to five object wen dey different.
  • Fit talk stori wen dey similar wen dem know if he just look picture.
  • Dey recognize reach 10 colour without wahala.
  • Dey smart enuf to recognize humor wen dey simple words, and fit even make jokes.
  • Fit tell yu him name, city, town, and even him  parents name.
  • Sabi ansa phone call well and take message down.
  • Fit use past tense well.


  • Encourage yur pikin make he read books wen dey simple so he go sabi how to clean him sentence up and pick new words and letta.
  • Help yur pikin rememba d names of brodas and sistas, parents, and even house address and phone numba. By dis age, dem dey quick learn dese things and sabi am for good. 
  • Teach yur pikin how to construct correct sentence, make una recite poems and rhymes togeda.
Wen yu fit follow doktor talk

If yur pikin:

  • No dey talk clearli or dey slur him words.
  • No rememba d name of parents or brodas/sistas.
  • No fit use correct sentence.

Pikin Development And Milestones: Yur 5years 4months old

Health and Nutrition

Yur pikin need 1500 and 1700 calories to fuel him/her throughout d day. Dis one go depend on d way wen he dey grow and d level of activity wen he dey do. D calorie intake for boys and girls wen dey dis age na:

  • Boys: 1,691 Kcal/day
  • Girls: 1,586 Kcal/day

Dia nutrition everi day suppose get d following:


Yur pikin need two servings of protein if e too small(32.4g) everi day. One serving dey equal to one to three tablespoons of lean meat, chicken, or fish, four to five tablespoons of dry beans and peas, or one egg.


Yur pikin need three cups of fruits everi day. One cup of fruit dey equal to one cup of fresh, frozen, or canned fruit, half (1/2) cup dried fruit, half (1/2) of a large apple, one eight- or nine-inch banana, or one medium mango or small papaya(pawpaw).

If yur pikin wan drink fruit juice, make sure sey na 100 percent juice wen no get sugar. Rememba sey na fresh fruit be d best option. Canned and dried fruit get high sugar, so na onli if fresh fruit no dey, na im yu fit allow yur pikin chop dis one.


For dis age, yur pikin need two cups (100g each) of vegetables everi day. One cup of vegetable dey equal to one cup of cooked or raw vegetables, two cups of raw leafy greens, one big tomato, or two medium carrots.

Make yu provide different kine vegetables wen get coloured dark green, red and orange, beans and peas, and starchy root vegetables like sweet potato everi week. Wen yu dey select canned/frozen vegetable, find d one wen get low sodium.


Yur pikin need four ounces of grains daily. One ounce of grains dey equal to one slice of bread, one cup of ready-to-eat cereal, or half (1/2) cup of pasta wen dem cook or  cereal wen dey cooked.

Make yu choose whole grains, like whole-wheat bread, oatmeal, popcorn, quinoa, or brown or wild rice. Reduce grain wen dey refined like white bread, pasta and rice.


Yur pikin need to drink minimum of 17 to 20 ounces of milk for one day.(eight ounces na around one cup). Yu fit use one cup of yogurt or soy milk , 1½ ounces of natural cheese (around the size of four stacked dice), or two ounces of processed cheese (around the size of five stacked dice) take replace one cup of milk.

To summarize everi thing, na wetin yur pikin need everi day be dis.(Check up to know d amount wen yu suppose give am):

  • Fruits: three cups for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 32.4g for boys; 32.4g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)
Vaccinations and Common Illnesses

By now, yur pikin suppose don take d following vaccines:

Click here if yu wan know weda yur pikin vaccine dey up to date. Rememba sey even if yur pikin collect all d vaccine, he still fit catch common disease like flu/cold and hand/foot/mouth disease.

D most common disease wen yu go watch out for na flu/cold and hand/foot/mouth disease. 

Treating Common Sickness

To fit manage common sickness for pikin like – feva, cough, and cold – make yu try d following:

  • To treat feva: If yur pikin get feva wen high reach 38°C (100.4°F); give am plenti water, make yu encourage am to rest well. Yu fit apply lukewarm compress to him forehead, armpit and private part region to bring d temperature down. Make sure sey yu wia light cloth for yur pikin. If him temperature high pass 38°C (100.4°F) abeg carri am go see doktor, follow medical advice make yu fit manage yur pikin health.
  • To treat cough: While cough na reflex wen dey clear throat, e dey become nuisance once catarrh and sneeze don follow am. E good make yu try home remedy like honey and ginger wen yu mix inside warm water. Make yur pikin take eight glass of water everi day.  If d cough no stop afta three to five days, abeg carri am hospital make doktor treat am.
  • To treat cold: Unless sey e dey veri serious, try make yu no take any medicine wen yu buy ova d counta. Na virus dey cause cold, so antibiotics no fit cure am.  If yur pikin get cold wen carri bodi pain and feva with am, e fit be influenza. If na so, carri yur pikin go see doktor for medical advice and how yu fit treat am.

E good make yu sabi sey, while yu fit buy some kine medicine for all dis disease without sey yu get prescription, d first option wen good make yu try na home remedi.

For example, pikin wen get cough and cold suppose drink plenti warm water. If he get sore thoat, make he use warm salt water take gargle. Meanwhile, nasal saline solution go help commot all d yamayama wen block d nose.

E dey important make yu teach yur pikin how to practice betta hygiene, especially how to wash hand wen fit no make disease spread.

Wen fit follow doktor talk

If yur pikin

  • Dey seriousli unda- or ova-weight
  • Get stunted growth
  • Break out for some kine rashes wen yu no undastand
  • Get lump/bump/bruise wen no dey normal
  • Get feva wen high pass 39 degrees Celsius

Previous month: 5 years 3 months

Next month: 5 years 5 months

References: CDC, NICHD, Mayo Clinic, Royal National Orthopaedic Hospital

Republished with permission from theAsianparent

*Disclaimer: This is the median height and weight according to WHO standards

Written by

Anino Aganbi