Yur 5 Years 7 Months Old Pikin Development And Milestones

Yur 5 Years 7 Months Old Pikin Development And Milestones

Na betta thing make yu sabi weda yur pikin development dey go as e suppose dey. Becos dia development and growth pass wetin just eye dey see

See how time dey fly! Yur 5 years 7 months old pikin don almost readi to enta school. As he small reach, he get him own personaliti with plenti energi and curiositi. See wetin yu fit expect from am dis month.

Inside dis article, we go talk about di common milestones wen 5 years 7 months old pikin suppose don reach but make yu no forget sey efiri pikin dey unique for him own way.

Na im be sey no be di same time wen oda shidren wen dey him age meet dia milestones na im he go meet him own. If any part of yur pikin development dey worri yu, quick go see doktor.

5 Years 7 Months  Old Pikin Development And Milestones: Shey Yur pikin Dey On Track So?

5 years 7 months old

Physical Development

By now, some kine sports go dey wen yur pikin don dey show interest put. All dat round bodi wen he get as toddler don go and him bodi don dey tone up. Yur pikin na still veri active person and games dey important make he fit develop well.

By dis age, yur pikin height and weight suppose be:

  • Boys
    – Height: 113 cm (44.5 inches)
    – Weight: 19.8 kg (43.7 lb)
  • Girls
    – Height: 112. 1 cm (44.1 inches)
    – Weight: 19.4 kg (42.7 lb)

See some milestones wen yu suppose notice for yur pikin.

Yur pikin,

  • Sabi di physical difference between boy and girl.
  • Don dey masta some kine basic moto skill like pick, throw or balance without help.
  • Dey run/skip/jump/hop with betta skill
  • Fit balance on top one leg.
  • Fit use three finga take hold pencil.
  • Fit put bead for string.


  • By now, yur pikin go don dey commot some milk teeth. Make sure sey yur pikin dey brush well.
  • Enrol yur pikin for games wen he/she like, weda na swimming or dancing. E go help yur pikin improve on him physical development. E go also teach am how to dey confident.
  • Allow yur pikin learn how to dress by himself. E go make yur pikin dey independent and go improve him fine moto skills dem.
  • Reduce di time wen yur pikin dey spend for screen weda na TV, laptop or yur phone.

Wen yu fit follow doktor talk?

If yur pikin no fit,

  • Use one leg stand for few seconds.
  • Run make he no fall efiri time.
  • Hold pencil well well.

Cognitive Development: 5 Years 7 months Old Pikin

Yur 5 years 7 months old pikin brain na wonda-land. Yu go don dey see betta improvement for yur pikin cognitive abiliti like di way wen he dey reason, wen e get wetin he want. He go don dey solve some small maths problems.

As yur pikin don dey near 6 years so, di kine questions wen he go dey ask yu go dey hard small, and e go show sey he wan sabi wetin dey happen for di world.

He/she attention span don improve, weda he dey read or play puzzle. Yu fit notice sey yur pikin don dey lie small. But research see am as sign sey yur pikin intelligence dey grow.

See some cognitive development wen yu go look out for dis month:

  • Yur pikin fit fix puzzle correct.
  • He/she fit copy simple pishure wen he see am.
  • Yur pikin fit concentrate on top one thing reach 10-15 mins.
  • He/she get him own opinion wen e reach some kine matta.


  • Respect yur pikin sense of individualiti wen dey grow. No be efiri time yu go talk sey him idea na nonsense.  Instead, allow am tell yu wetin he dey think as e go help am.
  • If yu wan allow yur pikin watch TV, make he watch programme wen dey educational.
  • Encourage yur pikin make he learn, even if na thru play. Yu fit carri am go librari, museum or oda betta place wen dey interesting.

Wen yu fit follow doktor talk?

If yur pikin,

  • Dey find am hard to complete puzzle.
  • No fit count reach 20.
  • No dey inquisitive about some kine things.

5 years 7 month old development and milestones

Social and Emotional Development

Yur 5 years 7 months old pikin fit control him emotion well now pass last year. He no dey throw tantrums again but he still fit dey cry wen he want something.

By now, yur pikin like to play with him age mates, he fit even get one or two best friends. No fear, yur tyke still like to follow yu play, so enjoy am before he go reach di age wen even yur hugs dey embarrass am.

Efiri bodi na im friend, even reach stranger. So e dey important make yu tell yur pikin di harm wen dey if he follow stranger talk.

Yu go notice some of dese characteristics for yur pikin social and emotional growth dis month:

  • He/she go wan show sey e dey independent.
  • Go prefer to follow him own sex play pass opposite sex.
  • Fit dey bossi with pipo wen he senior.
  • He/she go tell yu wetin he dey feel instead make he throw tantrums.
  • Go wan help yu do small small things for house.


  • Teach yur pikin how he fit handle emotions wen dey complex like anga, confusion or even jealousi.
  • Praise yur pikin wen he do something for yu or oda person.
  • Teach yur pikin betta manna and how to behave for public.
  • Even if yur pikin wan play with onli him sex, encourage am make he play with both sexes.
  • Avoid harsh punishment if yur pikin do wetin no good. Instead follow am talk about wetin he do, den give am punishment wen dey for him age.

Wen yu fit follow doktor talk

If yur pikin:

  • Dey anxious wen he no dey with yu.
  • Always dey aggressive as he dey follow oda shidren play.
  • No dey like to play with oda shidren.

Speech and Language Development

By dis time, yur 5 years 7 months old pikin go don dey talk like either yu or yur husband, with small sass. Make yu dey careful di kine words wen yu dey talk, especialli di way wen yu dey talk to pipo or about dem. Na yur behavior yur pikin dey copy.

If yu speak pass one language for house, yur pikin suppose don sabi by now. Even if he still dey make some grammatical error, yur pikin fit speak well make yu hear am by dis age.

Make yu take note of some of dese thing.

Yur pikin:

  • Fit speak sentence wen complete.
  • Dey read books wen get simple words loud.
  • Sabi write short sentences.
  • Dey express emotion with tone.


  • Follow yur pikin talk efiri time. As yu dey do so, him communication/ language skills dey develop.
  • Encourage yur pikin make he dey read, dis na one of di ways wen he go fit improve him language skills.
  • Buy age appropraite dictionari for yur pikin and teach am how to use am.
  • As yur pikin language skills dey improve, he go fit tell yu wetin happen or wetin he dey feel or think.

Wen yu fit follow doktor talk

If yur pikin:

  • Dey shy wen he dey follow oda pipo talk.
  • Start to stammer.
  • No dey gree follow oda pipo talk wen dem talk to am.

health and nutrition 5 years 7 months old

Health and Nutrition

As yur pikin dey grow weda physicalli, mentalli or emotionalli, he need food wen dey balanced to fit help am achieve all dis things. But shidren wen dey dis age no dey like some kine food, so yu fit dey struggle make yur pikin no eat plenti junk food. No worri, just kontinu to dey try.

Yur 5 years 7 months old pikin get food wen he like and di ones wen he no like by now. While some shidren like to try new food, odas go insist on di ones wen dem sabi. Dis one na normal thing.

Yur pikin need like 1500- 1800 calorie to give an energi efiri day. Dis one go depend on him growth and di way wen he take dey active. Di amount of calorie wen boys and girls wen dey dis age suppose take na:

  • Boys: 1,715 Kcal/day
  • Girls: 1,607 Kcal/day

See wetin dia daili nutrition suppose get:


Your pikin need two servings of protein (32.4g) efiri day. One serving dey equal to 1-3 tablespoons of meat, chicken, turkey or fish, 4-5 tablespoons of legumes, dry beans and peas, or 1 egg.


Yur child need three (100g) cups of fruits efiriday. One cup of fruit dey equal to 1 cup of fresh, frozen, or canned fruit, 1/2 cup dried fruit, 1/2 of big apple, 1/8 banana, or one medium grapefruit.

If yur pikin want fruit juice, give am di one wen be 100% juice without sugar. Dey give am fresh fruit wen yu fit as di one wen dry get plenti sugar.


By dis age, yur pikin need 2 cups (100g each) of vegetables efiri day. One cup dey equal to 1 cup of vegetable wen cook/raw, 2 cups leaf green wen raw, 1 big tomato, or 2 medium carrot.

Try dey give yur pikin vegetable efiri week. Make sure swy yu add vegetables wen get different colour. If na di one wen dey can or di one wen dey freezer, make sure sey di sodium wen dey inside am low well well.


Encourage yur pikin make he dey chop reach 4 ounce of grains efiri day.  One ounce dey equal to 1 slice of bread, 1 cup of cereal, or 1/2 cup of pata wen dem don cook.

Choose whole grains instead of di one wen dem don refine.


Yur pikin need to drink reach 17-20 ounce of milik efiri day(2-3 cups). Yu fit even give 1 cup of yogurt or soya milik take mix am.

To take summarize am, na wetin yur pikin need efiri day be dis, yu fit check up for di amount wen yu need:

  • Fruits: three cups for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 32.4g for boys; 32.4g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)

Vaccinations and Common Sickness

By this age, yur pikin suppose don collect all him vaccine dem. Check here weda yur pikn vaccine dey complete. Follow doktor talk about flu vaccine for yur pikin.

Becos yur pikin immune system still dey develop, he fit catch some kine yamayama sickness for outside like cough and cold. Yu fit help yur pikin boost him immune system wen yu encourage am to chop enuf fruit and vegetable.

Treat Common Medical Sickness

For yu to fit manage some medical sickness like cold, feva and cough for yur pikin bodi, make yu try di following:

  • To treat feva: Once yu see sey yur pikin get feva, e good make yu try some remedi for house wen go fit bring di temperature down. If yur pikin feva don reach 38°C (100.4°F), give am plenti water drink. Allow yur pikin rest well. Yu fit soak small towel inside warm water use take press for him head, make di temperature fit come down.But if yur pikin temperature don pass 38°C (100.4°F), abeg carri am go hospital. Follow wetin doktor tell yu make yur pikin bodi for dey alright.
  • To treat cough: Yu sabi sey cough na wetin no dey make person dey comfortable, and no be onli im dey waka some times. E must carri catarrh and sneeze follow bodi. To fit relieve yur pikin throat, make yu try some home treatment first like mix ginga and honi inside water wen dey warm. To drink plenti water go help yur pikin reduce any discomfort wen he dey feel. If di cough no stop afta three to five days, abeg carri am go see doktor.
  • To treat cold: Unless na wetin dey veri serious, try make yu no go pharmarci for medicine. Na virus dey cause cold, so antibiotics no fit work for am. If yur pikin get bodi pain with feva wen he get cold, e fit be influenza he get. Carri am go see doktor quick.

E dey veri important make yu sabi sey, while yu no need prescription to buy some kine medcine, e good make yu try home remedi first for simple sickness like dis.

Teach yur pikin how e fit practice betta hygiene, especialli how to wash hand as e go prevet di way wen disease take dey spread.

Wen yu fit follow doktor talk

If yur pikin,

  • Get feva wen high pass 38 degrees Celsius.
  • Get bruises/bumps/rashes wen yu no undastand.
  • Dey always complain of headache or different kine ache.
  • Dey vomit/run belle pass two days.

Rememba sey yur pikin dey special and yu no fit expect make he be like anoda person. Make yu support am as he dey grow so. And no forget to take am easy for dis parenting business.

Sources: WebMD, MayoClinic

Previous Month: 5 Years 6 months

Next month: 5 years 8 months

Republished with permission from theAsianparent

Originally written by Amrita

Translated by Anino Aganbi

(*Disclaimer: This is the median height and weight according to WHO standards)

Written by

Anino Aganbi