5 Years 9 Months Old Pikin Development And Milestones

5 Years 9 Months Old Pikin Development And Milestones

E still dey amazing di way wen yur 5 years 9 months old pikin growth and development take dey fast so.

Ahhhh! Dat smally wen yu dey rock for yur hand yesterday don be 5 years 9 months old pikin now. He don get him own personaliti, and e fit dey hard make yu keep up with di rate wen him development dey quick go so.

Na wetin don make us prepare dis guide so, make yu fit sabi di development and milestones wen yur 5 years 9 months old pikin don achieve. But if yur pikin neva fit do some of dem, no forget sey shidren dey develop differentli and go reach dia wen dia time don reach.

Wetin dey important na make yu do yur own part for yur pikin development and growth make he fit grow healthy!

5 Years 9 Months Old Pikin Development And Milestones: Shey Yur Pikin Dey On Track?

5 years 9 months child

By now, yur pikin suppose don sabi how to ride bike by himsef/hersef!

Physical Development

For yur 5 years 9 months old pikin, play and physical activiti dey important well well. E dey help dem stay healthy and dey teach dem why exercise dey good from earli age, which dem go carri till dem don grow.

By dis age, yur pikin median weight and height na:

  • Boys
    – Height: 113.5 cm (44.7 inches)
    – Weight: 20. kg (44.1lb)
  • Girls
    – Height: 112.7 cm (44.4 inches)
    – Weight: 19.6 kg (43.1lb)

Yur 5 years 9 months old pikin don dey do some things by himsef. He fit run, skip, waka down stairs without wahala and play games. Rememba sey yur pikin need reach 8-10 hours of sleep for night.

See some things wen yur pikin suppose fit do by dis age:

  • Use a skipping rope
  • Throw and catch  ball
  • Dey do team sports
  • Ride bicycle without di traina wheel
  • Tie knots and bows, including him shoelace

Tips

  • Encourage yur pikin make he do sports. Follow am play make he fit build him physical abiliti, na betta way to follow yur pikin bond be dis.
  • Him fine motor skills still dey develop so encourage am make he dey write and draw.
  • Some pikin wen dey dis age dey find am hard to stay one place. Dat one dey fine, so far yu no forget sey shidren dey energetic. Allow am play outside make he fit burn di energi commot.

Wen yu fit follow doktor talk

If yur pikin

  • Dey find am hard to sleep or he no fit slow down becos he dey hyperactive.
  • No fit hold things wen small or still no fit use biro/pencil take write well.
  • No fit coordinate him bodi well.
5 years 9 months old

Di way wen yur pikin dey tale learn by dis age dey grow and he/she go dey try sabi new things efiri day.

Cognitive Development

By dis age, yur pikin don dey follow oda pipo talk comfabli. He fit don dey count reach 50 and he dey undastand wetin yu dey try talk. He fit even tell yu riddles and jokes sef.

Make we see some cognitive development wen yu fit expect.

  • Fit do simple addition.
  • Don dey read two-three letta words.
  • Dey sabi tenses small small
  • Don sabi use him words take negotiate wetin he want.
  • Fit count back from ten to one.
  • Dey find am easy to undastand if yu give am instruction wen get pass one side.
  • Fit tell yu wetin happen wen neva too tey

Tips

  • STEAM (Science, Tech, Engineering, Arts, Maths) toys dey great to help yur pikin build him cognitive skills.
  • Dis na di best time to fit encourage yur pikin make he love to read book.
  • Relate efiri thing wen yu dey do to wetin yur pikij fit learn.
  • Encourage yur pikin make he use him mind. Ask am questions wen go make am think.
  • Yu fit carri yur pikin go librari. Teach am how he fit find di book wen he want.

Wen yu fit follow doktor talk

If your child

  • Shows little to no interest in learning new things
  • Has trouble counting up to 20
  • Is unable to read simple sentences, or has a very hard time doing so
5 Years 9 Months Old

E dey easi make yur pikin make new friends.

Social and Emotional Development: 5 Years 9 Months Old Pikin

Once yur pikin don reach dis age, e dey easi for am to dey make new friends, follow oda pipo talk and even follow stranger talk join. He no dey find am hard to share him toys.

See wetin yu fit expect for dis side:

  • E go hard before he throw tantrum.
  • He no dey hide wetin he dey feel
  • Yur pikin go dey look up to yu for approval.
  • Fit dey shy, especialli if yu ask make he/she sing for wia stranger dey.
  • Go one dey by himsef sometimes.

Tips

  • Encourage yur pikin make he join team sports, e go help am fit follow oda pipo work.
  • Acknowledge yur pikin wen yu see sey he dey emotional or dey vex.
  • By now, yu suppose don dey teach yur pikin manners.
  • Allow yur pikin follow oda shidren play, but no force am if he wan dey by himsef.

Wen yu fit follow doktor talk

If yur pikin

  • No fit follow oda pikin play.
  • Still dey throw plenti tantrum and he no fit handle him emotion.
  • Dey always avoid make he follow oda shidren play.

Speech and Language Development

speech and language has developed

Yur pikin don dey read and write by now and she/he dey readi to learn more.

By 5 years 8 months, yur pikin don alreadi dey talk well, he fit wan even put mouth wen adults dey talk.

Yur pumpkin go don dey learn reach 5-10 new words efiri day.

See some developments wen yu fit expect:

  • Dey use pronoun well
  • Ask plenti queshion
  • Don sabi how to make promise/threat
  • Fit tell yu short stori
  • Don dey identifi upper and lower case.
  • Sabi sey dem dey read book from left to right and up to down.
  • Go try to dey spell word out wen he dey write

Tips

  • Na di way wen yu take dey talk na im yur pikin dey copy. So make yu dey careful around am.
  • Try make yu dey buy books for yur pikin. As e go help am sabi read more.
  • Teach yur pikin new words efiri day,

Wen yu fit follow doktor talk

  • If yur pikin dey find am hard to talk or dey stamma.
  • No dey quick undastand new words.
  • No fit form simple sentence.
your child is active now

Shidren wen dey dis age dey active, so give dem balanced diet wen go help dem.

Health and Nutrition

By dis age, yur pikin suppose don stop to dey select food. So na betta idea make yu allow am try oda food.

E dey good make yu give yur pikin food wen dey nutritious make he for fit build him bodi and brain development.

Calorie intake for pikin wen dey dis age dey between  1,700 to 1,800 per day.

  • Boys: 1,729 Kcal/day
  • Girls: 1,621 Kcal/day

See some nutrients wen yu pikin need inside food hia.

Protein  

Yur pikin need two servings of protein(32.4g) per day. One swerving dey equal to three tablespoons of lean meat, chicken, or fish, four to five tablespoons of dry beans and peas, or one egg.

Fruits 

Yur pikin need three cups of fruit efiri day(100g). One cup of fruit dey equal to one cup of fresh, frozen, or canned fruit, 1/2 cup dried fruit, 1/2 of a large apple, one eight- or nine-inch banana, or one medium grapefruit.

If yur pikin want fruit juice, make sure sey na fresh fruit yu use and no add sugar put.

Vegetables 

By dis time, yur pikin need two cups (100g each) of vegetables daili. One cup of vegetable dey equal to one cup of cooked or raw vegetables, two cups of raw leafy greens, one large tomato, or two medium carrots.

Try give yur pikin different kine vegetables make he chop. If yu dey select di one wen dey can or dey frozen, make sure sey yu buy di one wen get low sodium.

Grains 

Yur pikin need up to four ounces of grains for him food. One ounce of grains dey equal to one slice of bread, one cup of cereal, or 1/2 cup of pasta wen yu cook.

Milk/Dairy 

Yur pikin need to drink 17 to 20 ounces of milk daili. Yu fit give am one cup of yogurt or soya milk instead. If yur pikin like cheese, no forget to add am to him food.

To cut all di long tori short, see di nutrient wen yur pikin need. Yu fit read up for di amount

  • Fruits: three cups for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 32.4g for boys; 32.4g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)

To add to am, make sure sey yur pikin dey drink enuf water efiri day.

Tips

  • E good make yu take betta care of yur pikin teeth. Carri am go dentist for regular check-up for teeth.
  • Encourage yur pikin make he dey chop food wen get balance nutrition.
  • No be efiri time yu go dey give yur pikin mineral, give am fresh juice instead.
  • Snacks wen dey healthy also dey important.

Vaccinations and Common Disease

By now, yur pikin suppose don take all him vaccine finish. Minus flu shot wen he go take efiri year, e no get anoda vaccine wen he go take for dis age.

See list of vaccine wen yur pikin suppose don take by now:

  • BCG vaccine
  • HepB vaccine (3 doses)
  • DtaP vaccine (3 doses)
  • Poliovirus (3 doses)
  • PCV (2 doses)

Na betta thing make yu dey follow wetin doktor tell yu wen e reach vaccine wen yur pikin suppose take.

Di most common sickness wen shidren dey get for dis age na flu and cold. Although, sometimes belle fit pain am but dat one no dey happen efiri time since yur pikin immune system suppose don develop well by now.

Treat Common Sickness

To fit manage di three most common sickness wen pikin dey get, make yu try some of di following:

  • To treat feva: If yur pikin get feva wen high  reach 38°C (100.4°F), give am plenti water drink, den allow am rest well. Yu fit also soak small towel for inside warm water use take clean yur pikin bodi make di temperature fit reduce. But if yu see sey yur pikin temperature don high pass 38°C (100.4°F), make yu carri am go see doktor.
  • To treat cough: Although we sabi sey cough dey clear throat, but e dey sabi weak yu once catarrh and sneeze follow am. E good make yu first try home remedi like mix ginger and honey inside water wen warm. Plus, make yu allow yur pikin drink plenti water to help am reduce any discomfort wen he dey feel. If di cough still neva go afta three to five days, carri yur pikin go see doktor.
  • To treat cold: Except na wetin yu no fit cope with, try make yu no buy medicine ova di counta becos of common cold. Na virus dey cause cold, so di antibiotics wen yu go buy no go fit work for am. If yur pikin get bodi pain with feva wen high, e fit be influenza be dat. Go see doktor.

E dey important make yu sabi sey, even if yu fit buy medicine without prescription, di first treatment wen yu suppose first try for minor sickness like dis na home remedi.

And for pikin wen get sore throat, make he use salt  and warm water take gaggle di throat. No forget to dey teach yur pikin betta hygiene, to wash hand dey reduce di way wen disease take dey spread.

Wen yu fit follow doktor talk

If yur pikin:

Get feva wen high pass 39 degrees Celsius

  • Get some kine rashes, bruises or bumps
  • Dey always get headache or oda ache
  • Dey run belle or vomit pass two days.

 

Previous month: 5 years 8 months

Next month: 5 years 10 months

Sources: Healthy FamiliesRaising Children

 

Translated by Anino Aganbi

Written by

Anino Aganbi