Yur 6 Years 7 Months Old Pikin Development And Milestones

Yur 6 Years 7 Months Old Pikin Development And Milestones

We sabi sey parenting na fantastic experience. See more things wen yu fit expect from yur pikin.

Yur pikin first year for primari school dey eventful for both yu and am. E take time before una adjust to each oda absence but now wen yu don get 6 years 7 months old pikin, e go don masta yu.

Experts dey call dis stage wen yur pikin dey "middle childhood." Yur 6 years 7 months old pikin go wan show sey he dey independent but for di oda side, he/she still need securiti from di world wen he/she no too dey familia with. And na onli yu fit give am di securiti wen he/she need.

Now, yur pikin don dey complex with di way wen he take dey play. He don dey act things wen he see for TV or books.

He/she get plenti energi and go wan do fun physical activiti efiri day. Yu go need help to make sure sey yur pikin dey strong and healthi. Make we see some milestones wen yu fit expect for dis age.

6 Years 7 Months Old Pikin Development and Milestones: Yur Pikin Dey On Track?



Physical Development

Di way wen yur pikin just take grow from dat toddler of yesterday still be like dream. Him limbs dey grow fast. Yur pikin dey add 2.5-6 inches for height and 3 kg for weight efiri year.

Yur pikin median height and weight suppose be:

  • Boys
    – Height: 119.4 cm (47.0 inches)
    – Weight: 22.2 kg (48.9 lb)
  • Girls
    – Height: 119.0 cm (46.9 inches)
    – Weight: 21.8 kg (41.0 lb)

By dis age, yur pikin go like test which physical limits he/she get.

Yu go see sey he don sabi combine him gross motor skills like to run wen he wan kick ball. Dese physical skills go depend on how yur pikin take dey practice.

Yur pikin don develop him fine motor skills now, so he fit do some personal hygiene task without yur help. Yu go notice sey yur pikin don dey write inside line well now for him school book.

Yur 6 years 7 months old pikin suppose don dey experience di following:

  • Dey aware of bodi image.
  • Baby teeth don dey fall.
  • Dey show different kine physical skills.
  • Get muscle.
  • Fit get perfect sight.
  • Go dey energetic pass before.
  • Dey obey rules of games now
  • Yur pikin go need all di physical activiti he fit get.
  • Allow yur pikin play outside.
  • Follow yur pikin play. E go make una bond and build him self confidence at di same time.
  • Supavise yur pikin wen he dey play rough.
  • Teach yur pikin how to ask for help wen he need am.
  • Commot efiri thing wen fit wound am.

Wen yu fit follow doktor talk

Make yu observe di following. E fit be sey something no dey correct some wia. Call yur doktor if dat na di case.

  • If yur pikin don dey lose some physical skills.
  • No fit sleep for night.
  • Dey get injuri from falls and oda accidents.
  • If yur pikin still dey wet bed.

Your 6 years 7 months old child continues to feel an increasing awareness of right and wrong

Cognitive Development

Yur 6 years 7 months old pikin dey more aware of things wen dey right or wrong. He fit report him mates if he see sey dem dey do wetin we n no dey right.

For dis age, yur pikin attention span don dey increase and he fit cope with difficult task for house and school.

Yur pikin suppose fit:

  • Tell yu him age.
  • Fit count reach 10 and he undastand di concept of ten.
  • Express himsef with words.
  • Dey undastand cause and effect of relationship.
  • Read and write well.
  • Undastand concept of time.
  • Tell yu wia time dey.

Tell yur pikin sey e dey fine if he make mistakes. Allow am try things wen new, make he fit learn from mistakes. He go undastand sey learning and improving na all about mistakes, but di key na make yu no give up.

  • Show yur pikin affection. Praise am wen he do something well.
  • Teach yur pikin how he fit dey responsible- ask am to help with small things around di house.
  • Follow yur pikin talk about school and friends, or things wen dey interest am.
  • Teach yur pikin how to respect oda pipo.
  • Help yur pikin set goals wen dey achievable.
Wen yu fit follow doktor talk

If yur pikin:

  • Dey show any sign of disabiliti.
  • Yur pikin dey withdraw becos dem dey bully am.
  • Get mental issue.
  • No fit stay away from yu.
  • Like to dey by himsef.


Social and Emotional Development


The kids are trying to make sense of emotions and assert their independence

Yur 6 years 7 months pikin dey build friendships and he undastand relationships. E dey common to get misundastandings from dese relationships, as dem dey try to get betta grip on dia emotions. Dem go settle as soon as dem quarrel.

As yur pikin dey navigate dese relationships, he go draw strength and securiti from pipo wen he dey close to.

Yur pikin wen dey dis age go still dey show yu sey he dey independent , and he go wan do things wen dey dangerous.

As yur pikin language skills dey grow, yu go see sey he fit tell yu wetin happen, with things wen he dey think/feel.

Yur pikin fit lie, steal or cheat while he dey try figure out wetin dey acceptable.


For dis stage, make yu pay attention to di following things:

  • Allow yur pikin decide some things by himsef.
  • Reduce TV time.
  • Read give yur pikin.
  • Put parental control for Tv, phones and  computers.
  • Follow yur pikin talk about peer pressure, sex, violence etc. Use words wen he go fit undastand.
  • Enrol yur pikin for swimming lessons and fire safeti training.
  • Allow yur pikin undastand sey e dey ok to make mistakes.
  • Make yur pikin sabi sey consequences dey for behavior and encourage am make he see oda pipo view.
  • Use discipline take guide yur pikin instead of punishment.
Wen yu fit follow doktor talk

If yur pikin:

  • Dey stammer wen he dey talk.
  • Dey find am hard to follow instructions.
  • No fit make friends. Dey aggressive to oda shidren.
Speech And Language Development


Yur 6 years 7 months old pikin

Yur 6 years 7 months old pikin fit use complete sentence. He/she dey learn new words efiri day. No wonda yur pikin na chatterbox.

Yur pikin don dey sabi di purpose and function of language. He dey use simple sentences. Although he still fit dey struggle to pronounce some words well.

By dis age, yur pikin suppose:

  • Follow three commands at once.
  • Undastand sey some words get pass one meaning.
  • Dey express sense of humor verballi.
  • Show mental abiliti growth.
  • Read age appropriate books.
  • Pronounce words wen he no dey familia with.
  • Sabi difference between night/day, left/right.
  • Know wetin time be.
  • Fit count numbas backward.


Kontinu to dey read give yur pikin. Na di best way wen he/she fit build him/her memory bank. Encourage yur pikin make he read give yu back.

Yu go notice say yur pikin dey ask plenti question, follow am dey patient make yu ansa all him questions.

For dis age, yur pikin go wan talk like adult. No fear, follow am talk.

Wen yu fit follow doktor talk

If yur pikin:

  • Dey find am hard to follow instructions wen get two parts.
  • No fit print him name.
  • No sabi read
  • Dey show some kine behavior.
  • No sabi difference between left and right.
  • No fit spell simple words.
Health And Nutrition


Yur 6 Years 7 Months Old Pikin Development And Milestones

Yur 6 years 7 months old need 1,800 calori efiri day. E good make yur pikin chop food wen dey healthi. Dis na becos he need am for him growth and to take develop him learning.

Becos yur pikin activiti dey high, he need nutrition wen go match di energi. Yur pikin need to dey exercise. Exercise dey important for am.

Food wen get all di classifications dey veri important for yur pikin development. See list of super nutritious food wen go nourish yur pikin bodi.

Di calori intake for boys and girls wen dis age na:

  • Boys: 1,805 Kcal/day
  • Girls: 1,693 Kcal/day

See wetin suppose dey inside dia food.

Dairy group

Yur pikin need dairi products like milk/yoghurt inside him food.  Dem get nutrients wen dey veri important for yur pikin growth. Yur pikin suppose take 3 cups of milk or yoghurt (17-20 ounces) efiri day.

If yur pikin no like dairi, find creative ways to add am to him food.

Protein group

CDC recommend make pikin wen dey dis age take reach 36 grams of protein daili. No worri if yur pikin sabi select food. Oda kine protein dey wen he fit enjoy.

Fruit and vegetable group

Dey creative with fruits and vegetables wen yu wan serve dem. Yur pikin need reach 3 cups of fruits and 2 cups of vegetables efiri day. So na betta thing if yu introduce dem as snacks.


Introduce  minimum of four ounces of grains inside yur pikin food. One ounce of grains dey  equal to one slice of bread.

Choose things wen get whole grain instead of refined grain.

To summarize efiri thing, see wetin yur pikin need:

  • Fruits: three cups for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 36g for boys; 36g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)


  • Wash yur fruits, den keep am wia dia hand fit reach.
  • Make salad dey regular part of yur meal.
  • Add more vegetables to wetin yu dey cook.
Wen yu fit follow doktor talk

If yur pikin:

  • Dey ova/unda weight.
  • Get rashes/lumps/bruise wen yu no just undastand.
  • Get temperature wen high pass 39 degrees C.
  • Dey vomit wen he dey chop.
Vaccinations and Common Sickness

By now, yur pikin suppose don take all him vaccines. But if some dey wen he neva take, ask yur doktor.

As yur pikin dey spend time for school so, he/she dey exposed to common colds and the flu. Rashes fit even dey him/her bodi wen yu need to look out for. Encourage yur pikin make he fit tell yu weda he/she dey feel any discomfort. tell you if there is any discomfort on his/her body, or if you notice any itching.

Treat Common Sickness

To fit manage three common sickness for pikin, make yu try di following:

  • To treat feva: If yur pikin get feva reach 38°C (100.4°F), make yu first try home remedi. Use warm water take clean yur pikin bodi, especialli if di temperature don reach 39 degrees celsius. Yu fit even wear light cloth for am. Make sure sey yur pikin dey chop well and make he/she drink plenti water. If di bodi still hot, carri yur pikin go see doktor. Make yu no use aspirin for yur pikin becos e dey damage dia liver and brain.
  • To treat cough: Give yur pikin half spoon of honey, e dey effective becos of di oxidants wen dey inside am.
  • To treat cold:  Allow yur pikin drink warm water, or give am decaffeinated tea wen yu mix with honey. Yu fit also put cool mist humidifier for yur pikin room wen go help am clear him chest.

If any of dis remedi no work, go see yur doktor. No forget to teach yur pikin betta personal hygiene.

Wen yu fit see doktor

If yur pikin,

  • Feva high pass 39 degrees Celsius
  • Get bruises, bumps and rashes wen yu no undastand
  • Dey always complain of headache or oda pains
  • Dey vomit or run belle pass two days.


Previous month: 6 years 6 months
Next month: 6 years 8 months

Sources: Web MD, CDC

Republished with permission from theAsianparent

Written by

Anino Aganbi