Yur 6 Years 8 Months Old Pikin Development And Milestones

Yur 6 Years 8 Months Old Pikin Development And Milestones

Na wa o! See how yur smalli of yeaterday don nearli reach big 7 so. Yu go find oda things wen yu wan sabi about yur pikin development hia

Dat yur adorable angel of yesterday don turn 6 years 8 months old pikin now. 7 years just dey around di corna. And we sure sey yu go dey excited. For dis age, yu go see sey yur pikin don sabi write him/her name and surname.

Dis na interesting stage for yur pikin life becos he go wan try new tasks wen fit dey dangerous pass wetin yu go allow. Him/her safeti dey important and yu need to make sure sey he/she dey safe for house.

Yur pikin go don sabi di difference between imagination and realiti, but go still wan use him imagination play from time to time.

Make we see some developments wen yur pikin suppose don reach.

6 Years 8 Months Old Pikin Development and Milestones: Yur Pikin Dey On Track?

 

6 Years 8 Months Old Development and Milestones

Physical Development

Yur 6 years 8 months old pikin don dey gada new set of physical skills. Dis na becos yur pikin get plenti energi.

Him/her gross motor and fine motor skills don develop well by now. Yur pikin fit do some kine sports now, so yu need to give am di opportuniti to do physical activiti.

Yur pikin average height and weight suppose be:

  • Boys
    – Height: 119.9 cm (47.2 inches)
    – Weight: 22.4 kg (49.3 lb)
  • Girls
    – Height: 119.6 cm (47.1 inches)
    – Weight: 22.0 kg (48.5 lb)

Yu go notice sey yur pikin don dey use skipping rope . Yur pikin go master dese skills di more wen he/she dey practice. Wen yu see sey yur pikin wan give up becos he dey struggle, encourage am make he kontinu so he go fit improve.

By now, yur pikin suppose fit:

  • Climb stairs.
  • Draw irregular shapes.
  • Write him name and surname.
  • Dance to music.
  • Get betta hand/eye coordination.
  • Follow outdoor games instruction.
  • Wear cloth by himsef.
  • Look both ways wen he wan cross street.

Tips

  • Make sure sey yur pikin do physical activiti reach one hour efiri day.
  • Turn exercise to famili activiti.
  • Encourage yur pikin make he write.
  • Read give yur pikin.
  • Organise mini spelling bee afta each reading session.
  • Protect yur pikin from accident.
  • Keep yur pikin from di road.
  • Help yur pikin develop confidence.
  • Attend school functions.
Wen yu fit follow doktor talk

If yur pikin:

  • Still dey wet bed .
  • Dey lose some of di skills wen he been don get.
  • No get interest to write him name.
Cognitive Development

 

Your 6 years 8 months old child has an ever-increasing attention span

Yur 6 years 8 months old pikin don get long attention span. He/she go still dey inquisitive about things wen dey around am. So expect make he dey ask yu plenti question.

Dis na becos yur pikin fit express himsef with words.

See somethings wen yur pikin suppose do by now:

  • Undastand cause and effect of relationship.
  • Draw person
  • Write short tori.
  • Sabi concept of numbas
  • Develop reasoning skills.
  • Learn with language and logic.
  • He/she want efiri thing, so e dey hard to choose.
  • Read 200 words.
Tips

E dey important make yur pikin get di correct guidance for dis age.

  • Allow yur pikin tell yu wetin dey him mind and how he dey feel.
  • Teach yur pikin respect, even wen he dey talk him mind.
  • Teach yur pikin how to make betta choices.
  • Yur pikin go get plenti question, so make yu dey patient.
Wen yu fit follow doktor talk

If yur pikin:

  • Dey find am hard to read.
  • Dey aggressive.
  • Get mental sickness.
  • Dey anxious if yu no dey with am.
  • Like to play by himsef.
  • Dey withdraw from efiri thing.
Social And Emotional Development

 

Play, play play! Group play is a vital part of your child's social development

Group play na veri important part of yur pikin social development. Na hia dem dey make friends. By dis time, yur pikin go don get best friend wen be di same genda with am.

Him confidence dey grow as he dey manage dese relationships. Yur pikin go get huge sense of accomplishment afta he don win some games with him friends.

See some things yur pikin go fit do:

  • Enjoy school with him friends.
  • Wan please him friends.
  • Dey more independent.
  • Dey find affection from efiri bodi.
  • Dey unkind to him friends but dey quick make up.
  • Change rules to fit himsef.

Tips

  • Follow yur pikin play board games.
  • Sabi di parents of yur pikin friends.
  • Allow yur pikin make choices by himsef.
  • Read give yur pikin, den allow am read back to yu.
  • Put parental control for computers and television.
  • Follow yur pikin talk about peer pressure and oda matter wen fit affect am.
  • Enrol yur pikin for swimming lessons and fire safeti training.
  • Make yur pikin see oda pipo point of view.
  • Praise yur pikin wen he accomplish something.
  • Build yur pikin self-esteem and self-confidence.
  • No be efiri time yu go dey confront yur pikin.
Wen yu fit follow doktor talk

If yur pikin:

  • Dey find am hard to follow instruction.
  • No dey make friends.
  • Dey aggressive.

your child is quite the little talkative

Speech And Language Development: 6 Years 8 Months Old Pikin

By now, yur pikin go don turn chatterbox. He/she fit follow plenti directives at once.Yur pikin fit hold him ground for any conversation and go take turns dey talk.

Yur 6 years 8 months old pikin don sabi make eye contact. He fit use him words take achieve plenti things. Pikin wen dey dis age don sabi use tenses well.

To add to am, yur pikin don dey recognise and spell new words.

Tips
  • Kontinu to dey read give yur pikin. Na di best way to help am build him vocabulari.
  • Encourage yur pikin make he read give yu.
  • Follow yur pikin play spot di difference.
  • Support yur pikin creativiti.
Wen yu fit follow doktor talk.

If yur pikin:

  • Dey find am hard to to follow two way instruction.
  • No get interest to write him name.
  • No gree read.
  • No fit tell right from left.
  • Dey find am hard to spell simple words.

Eating family meals together will encourage him/her to enjoy a variety of foods.

Health And Nutrition

Yur 6 years 8 months old pikin need regular food wen go give am energi and nutrient wen he need to fight sickness. Wen yu chop famili food togeda, e go help yur pikin enjoy different kine food.

Pikin wen dey dis age need  1800 calori efiri day. If yu give yur pikin snacks instead of food efiri day, e go make am get diet wen no dey balanced.  So make yu encourage betta eating habit for yur pikin.

No forget about exercise. Yur pikin need 60 minutes exercise for am to dey healthi. Try make yu add am to things wen he dey do daili.

Di calori intake for boys and girls wen dey dis age na:

  • Boys: 1,812 Kcal/day
  • Girls: 1,700 Kcal/day

Their nutrition suppose get di following:

Dairy group

Encourage yur 6 years 8 months old pikin to take low-fat dairy products, like milk, yoghurt, cheese and odas.

All dese things get calcium wen dey important to yur pikin development. Yur pikin need 17 to 20 ounces of dairy for one day.

Protein group

Protein foods dey important for yur pikin growth. Find out which protein yur pikin like make yu add am to him food. Yur pikin need reach 36 grams of protein daili.

Fruit and vegetable group

Encourage yur pikin make he chop different varieti of fruits and vegetables. Make sure sey di fruit juice na 100% juice wen no get sugar.Yur pikin need 3 cups of fruits and 2 cups of veggies efiri day.

Give yur pikin different mixture of vegetables make he dey chop.

Grains 

Introduce whole grain food for yur pikin diet. Yur pikin need minimum of four ounce of grains for him food.

In summari, see wetin yur pikin need:

  • Fruits: three cup for boys; three cups for girls
  • Vegetables: two cups for boys; two cups for girls
  • Grains: four ounces for boys; four ounces for girls
  • Proteins: 32.4g for boys; 32.4g for girls
  • Milk: 17-20 ounces for boys; 17-20 ounces for girls
  • Water: 1500 ml for boys; 1500 ml for girls (around six cups)
Tips: 
  • Keep yur washed fruit wia yur pikin hand fit reach.
  • Give yur pikin salad more often.

Wen yu fit follow doktor talk

If yur pikin dey:

  • Under/ova weight.
  • Get rashes, lumps and bruises for bodi.
  • Get feva wen high pass 39 degrees C.
  • Dey always vomit wen he dey chop.
Vaccinations and Common Illnesses

Yur pikin suppose don collect all him/her vaccines by now.  Ask yur doktor about di one wen he need on regular basis.

As yur pikin dey spend time for school so, he/she dey exposed to common colds and the flu. Rashes fit even dey him/her bodi wen yu need to look out for. Encourage yur pikin make he fit tell yu weda he/she dey feel any discomfort. Rush am go hospital if yu no dey sure about wetin cause am.

Treat Common Sickness

To fit manage di three most common sickness wen pikin dey get, make yu try some of di following:

  • To treat feva: If yur pikin get feva wen high  reach 38°C (100.4°F), give am plenti water drink, den allow am rest well. Yu fit also soak small towel for inside warm water use take clean yur pikin bodi make di temperature fit reduce. But if yu see sey yur pikin temperature don high pass 38°C (100.4°F), make yu carri am go see doktor.
  • To treat cough: Although we sabi sey cough dey clear throat, but e dey sabi weak yu once catarrh and sneeze follow am. E good make yu first try home remedi like mix ginger and honey inside water wen warm. Plus, make yu allow yur pikin drink plenti water to help am reduce any discomfort wen he dey feel. If di cough still neva go afta three to five days, carri yur pikin go see doktor.
  • To treat cold: Except na wetin yu no fit cope with, try make yu no buy medicine ova di counta becos of common cold. Na virus dey cause cold, so di antibiotics wen yu go buy no go fit work for am. If yur pikin get bodi pain with feva wen high, e fit be influenza be dat. Go see doktor.

E dey important make yu sabi sey, even if yu fit buy medicine without prescription, di first treatment wen yu suppose first try for minor sickness like dis na home remedi.

And for pikin wen get sore throat, make he use salt  and warm water take gaggle di throat. No forget to dey teach yur pikin betta hygiene, to wash hand dey reduce di way wen disease take dey spread.

Wen yu fit follow doktor talk

If yur pikin:

Get feva wen high pass 39 degrees Celsius

  • Get some kine rashes, bruises or bumps
  • Dey always get headache or oda ache
  • Dey run belle or vomit pass two days.

 

Previous month: 6 years 7 months

Next month: 6 years 9 months

Sources: Web MDCDC

Republished with permission from theAsianparent

Translated By Anino Aganbi

Written by

Anino Aganbi