Yur 6 Years Old Pikin Development And Milestones Guide For African Parents

Yur 6 Years Old Pikin Development And Milestones Guide For African Parents

IYu sabi weda yur pikin development dey on track? Check hia for yur ansa!

Hurray! Finalli yur 6 years old pikin don readi to enta a whole new world of  primari school wia he go even find more opportuniti take grow and develop. Which oda exciting new milestones yu fit find for yur pikin?

As we dey take yu through all dese important event, make yu rememba sey efiri pikin dey different and dey develop for him own time. So if yu get any question, go see yur doktor.  

6 Year Old Pikin Development and Milestones: Shey yur pikin dey on track so? 

6 year old child

Physical Development

Yur 6 years old pikin go wan try all di different kine sports wen him school fit get.

By now, yur pikin average weight and height suppose be:

  • Boys
    – Height: 115.5 cm (45.5 inches)
    – Weight: 20.8 kg (45.8lb)
  • Girls
    – Height: 115.0 cm (45.3 inches)
    – Weight: 20.3 kg (44.8lb)

Some pikin fit quick grow and go come turn natural athlete, while di odas fit get betta hand-eye coordination or fine handwriting.

See some developments wen yur pikin suppose don achieve

  • Him locomoto skill don improve
  • Fit tie him own shoe lace
  • Sabi kick di ball enta goalpost
  • Don dey get plenti permanent teeth.
  • Sabi use scissors and pencil
  • Dey write well make yu fit see.
  • Dey dance to music beat
  • Use him cutleri well
  • Get betta bodi balance
  • Di way wen he dey take run, jump and even swim don improve.


  • Allow yur pikin join sports and oda school activiti.
  • Provide one hour or more for yur pikin efiri day make he do physical activiti.
  • Teach yur pikin safeti precaution wen he dey play outside.
  • Reduce di time wen yur pikin dey spend for TV.
  • Dey put eye for yur pikin bodi  wen yu know sey di sports fit dey riski.
  • Teach yur pikin about safeti wen e dey road.
  • Once yu get betta habit to chop, yur pikin sef go get betta healthi habit.

Wen yu fit follow doktor talk:

If yur pikin,

  • Dey get problem wen he dey use basic tools
  • Be like sey he no dey grow
  • No dey fit sleep for night

6 years old Child

Cognitive Development

Yur 6 years old pikin don dey masta how he/she fit solve problem by him/hersef. Although he/she still dey obey adult, he still wan do somethings by himsef.

By dis age, efiri thing wen yur pikin dey see na black or white, he no even get grey area. Dis na normal part of cognitive growth for dis age , as yur pikin dey develop for dis front, he go start to get in-betweens.

See some cognitive development wen yur pikin don dey get:

  • Start to get sense of humour.
  • Fit tell yu how many years he be.
  • Sabi use logic well.
  • Fit concentrate for one work reach 15 minutes. 
  • Dey count pass 20. 
  • Fit count some numbas from back.
  • Fit tell yu time and sabi difference between day and night.


  • Allow yur pikin solve problem by himsef, offa help wen e dey necessari.
  • Encourage yur pikin make he fit make him own decision sometimes.
  • Use open-ended question take ansa yur pikin question
  • Try make di way wen yur pikin take dey learn fun.
  • No follow am talk baby language again.

Wen yu fit follow doktor talk

If yur pikin,

  • No fit follow instruction wen get three part.
  • Dey lose skill wen he been get.

they are playful

Social and Emotional Development: 6 years old pikin

As yur pikin dey enta school, he go start to make plenti friend and he go learn di rules wen to socialize get. Yur smally don dey sabi sey all friendship no be di same and go start to even get best friend.

For pikin wen dey dis age, he go wan get approval from him friends dem and he go dey aware of oda pipo feeling.

See development wen yu fit notice for yur pikin:

  • Show concern for oda pipo
  • Want make oda pipo like and accept am
  • Prefer make he follow friend play.
  • Undastand wetin teamwork be.
  • Prefer make he play with him own sex.
  • Dey tell yu wetin he dey feel, and he no go cry or throw tantrum.


  • Find out weda e get any thing wen dey disturb yur pikin for school efiri day.
  • Follow yur pikin talk about wetin he fit do if dem dey bully am.
  • Teach yur pikin how to respect oda pipo and di importance wen dey to help needy pipo.
  • Give yur pikin house chore wen he fit do for him age.
  • Praise yur pikin wen he show betta behavior.
  • Allow yur pikin join different activiti for school.

Wen yu fit follow doktor talk

If yur pikin,

  • Dey anxious wen una no dey togeda.
  • No dey follow oda pikin mix up.

seech and language development in 6 year old kids

Speech and Language Development

Yur 6 years old pikin na serious chatterbox now, he fit hold him own conversation, ask question and even join argument.

Efiri day, di words wen yur pikin dey speak don high and he get di numba of words wen he undastand.

See some speech and language development wen yur pikin suppose don reach:

  • Dey form simple, complete sentence.
  • Fit tell yu wetin happen or wetin he dey feel from beginning till end.
  • Don dey sabi sey some words get pass one meaning.
  • Get interest for books wen dey for him age.
  • Dey pronounce words wen no dey familia.


  • Try make yu dey read with yur 6 years old pikin and make una dey take turns. No panic if yur pikin still neva fit read well. Di whole idea na to quick make am get interest to read.
  • Ask yur pikin how him day take go.
  • Give yur pikin all yur attention wen he dey follow yu talk.

Wen yu fit follow doktor talk

If yur pikin:

  • Dey find am hard to express himsef with complete sentence.
  • No get interest to read.

what kids eat at this age

Health and Nutrition

Di kine energi wen yur pikin dey use wen he/she dey play go determine how much food he/she go wan chop.  Typically, 6 years old pikin need around 1,700 to 1,800 calori, depending on di way wen he take dey active reach.

The calorie intake for boys and girls of this age are as follows:

  • Boys: 1,760 Kcal/day
  • Girls: 1,644 Kcal/day

Pikin wen dey dis age suppose dey take all dese inside him food efiri day:

Grain group

Yur pikin need 4 to 6 ounces worth of grains daili to take boost him energi level. Dis fit be 1 to 2 ounces of dry cereal, 2 slices of bread, or 3/4 cup of pasta wen dem cook.

Dairy group

For milk or oda dairy product, yur smally suppose drink reach 2.5 cups worth. Yu fit give am  1/2 to 1 full cup of milk or yoghurt, as e go help yur pikin bone dey strong.

Protein group

Protein na veri important part of diet for pikin wen dey dis age group as e go help di way wen yur pikin take dey grow strong. Yur pikin need 3 to 5 ounces of protein each day, and e fit be 1 egg, or a pikin palm-sized portion of chicken, beef or fish.

Fruit and vegetable group

Fruits and vegetables dey important for yur 6 years old pikin health and immuniti. Yu fit give yur pikin 1 to 2 cups of fruits and vegetable efiriday. Yu fit give yur pikin small bowl of fruit salad den yu go add mixed vegetable to him rice or noodles.


E good make yu dey add grains to wetin yur pikin dey chop. Yur pikin need 4 ounces of grains for him food efiri day.


  • Make yu dey provide food wen get all dese group of food so yur pikin go fit chop food wen dey healthy, weda na for breakfast, lunch or dinna.
  • Reduce di way wen yu take dey give yur pikin thins wen sweet.
  • Allow yur pikin drink plenti water efiri day.
Vaccinations and Common Disease

By di time wen yur pikin don reach dis age, he suppose don collect all dese vaccines:

  • DTaP vaccine to protect against diphtheria, tetanus, and pertussis
  • IPV vaccine to protect am against polio
  • MMR vaccine for measles, mumps, and rubella
  • Varicella vaccine for  chickenpox
  • A flu shot wen he need to take efiri year

But if yur pikin neva take some of dese vaccines, go see yur doktor make yu fit know di one wen still remain.

Di more time wen yur pikin dey spend for school, he dey likeli to catch some common colds and the flu. So make yu dey watch weda yur pikin get rashes or dey scratch bodi.

Treat Common Sickness

To fit manage some of di sickness wen pikin dey get like feva, cough and cold, make yu try di following:

  • Feva: If yur pikin get feva wen high reach 38°C (100.4°F), make yu give am plenti water drink, and allow am rest well. Yu fit try wet small towel inside warm water use take clean him bodi make di temperature for come down small. But if di temperature don high pass 38°C (100.4°F) carri am go see doktor.
  • Cough: While cough na reflex wen dey clear throat, e dey annoying once catarrh and sneezing don follow am. E go betta if yu first try home remedi like make yu mix ginger and honey inside water wen warm. And again, make sure sey yur pikin dey drink reach 8 cups of water efiri day. If yur pikin still dey cough afta three to five days, make yu carri am go see doktor.
  • Cold: Unless e don reach wia yu no fit manage am, try make yu no take any medicine wen yu buy ova counta. Becos na virus dey cause cold, antibiotics no go fit work for am. But if yur pikin don come get body pain with feva wen high, e fit be influenza. Yu need to carri yur pikin go see doktor be dat.

E dey important make yu sabi sey, even if some medicine dey wen yu fit buy without prescription, di first thing wen yu suppose try na home remedi. If yur pikin get cold, give am plenti warm water drink.

But if yur pikin get sore throat, allow am use salt water take gaggle him throat.

Make sure sey yu go meet yur doktor so yu go know weda yur pikin immunization dey complete.

Wen yu fit follow doktor talk:

No waste time call yur doktor once yu see sey yur pikin

  • Dey underweight or ovaweight.
  • Get rashes, lumps, bumps or bruises wen no dey usual, or dey vomit and run belle wen no dey stop.
  • Get feva wen dey high pass  39 degrees Celsius.

Once yu notice all dis sign, abeg go see doktor.

Previous month: 5 years 11 months

Next month: 6 years 1 month

Sources: Mayo ClinicCDC, Web MD  

Republished with permission from theAsianparent

Translated By Anino Aganbi

Written by

Anino Aganbi