Mengi yamesemwa kuhusu afya yetu na elimu nyingi kufanyika kuhusu jinsi tunavyo paswa kuilinda afya yetu. Mambo kama vile kufanya mazoezi na kuwa makini na lishe yetu ni muhimu sana katika kuzingatia afya na siha bora. Ila kuna baadhi ya mambo tunayo yafanya yanayo haribu juhudi zote tunazo tia za kuangazia afya ya mwili. Una fahamu athari hasi za kuketi kwa muda mrefu?
Athari hasi za kuketi kwa muda mrefu
Kupunguza urefu wa maisha yako
Unapo kaa kwa muda mrefu, huenda ukaaga dunia kufuatia matatizo yoyote yale ya kimwili. Na haijalishi ikiwa unafanya mazoezi ama la. Hivi si kwamba ukose kufanya mazoezi yako ya kila siku, la, zidi kufanya mazoezi kama ilivyo desturi yako.
Uko katika hatari ya kuugua kisukari
Kati ya watu wanao fanya kazi zinazo husisha kutembea mara kwa mara na wanao keti chini siku nzima. Wanao fanya kazi nyuma ya dawati wako katika hatari zaidi za kuugua ugonjwa wa kisukari. Hii ni kwa sababu hautumii kalori nyingi. Kwa hivyo, ikiwa unafanya kazi nyuma ya dawati, ni vyema kunyoosha mwili wako mara kadhaa kwa siku.
Hatari ya kuugua dementia
Dementia ni maradhi ambapo utendaji kazi wa ubongo wako una athiriwa na huenda ukaanza kusahau vitu ama uwezo wako wa kufanya uamuzi kuathiriwa. Unapo kaa kwa muda mrefu, akili yako huenda ikawa sawa na ya mtu anaye ugua maradhi haya. Pia, uko katika hatari ya kuugua maradhi ya moyo, kisukari, shinikizo la juu la damu na magonjwa mengine sugu. Una shauriwa kuhakikisha kuwa una songa siku yote na pia kufanya mazoezi mara kwa mara.
Kuumiza mtima wako
Kulingana na utafiti uliofanyika na wanasayansi, watu wanao keti kwa muda mrefu wako katika hatari ya kuugua matatizo ya moyo. Kati ya vikundi viwili, kimoja kilicho kaa kwa muda mrefu na kingine ambacho hawaku keti kwa muda mrefu, walio kaa kwa muda mrefu walikuwa na hatari mara mbili zaidi ya kuugua maradhi ya moyo.
Kuongeza uzito wa mwili
Watu wengi wanao kuwa na uzito mwingi wa mwili hawafanyi kazi nyingi. Huenda ikawa kuwa wanatumia muda wao mwingi wakitizama runinga. Kukaa mahali pamoja bila kuuhusisha mwili wao. Uko katika hatari ya kuwa na uzito wa kupindukia. Unaweza saidia kufanya kazi za nyumba, kufanya mazoezi mepesi ama hata kutembea kwa angalau dakika 20 ama 30 kwa siku.
Kuumwa na mgongo
Kukaa chini kwa muda mrefu kuna maanisha kuwa mgongo wako umebaki mahali pamoja kwa muda mrefu. Na kushinikiza misuli ya mgongo, shingo na uti wa mgongo. Huenda ukapata kuwa una hisi maumivu ya mgongo. Ili kutatua suala hili, unaweza pigwa masi, kujinyoosha na kufanya mazoezi.
Soma Pia: Faida 4 Za Kiafya Za Kitunguu Saumu Kwa Wanaume
