Kuna njia tofauti za uzazi wa mpango, mojawapo ikiwa ni kutumia tembe za kupanga uzazi. Zinafanya kazi kwa kuepusha kupevuka kwa yai. Zinadhibiti kutolewa kwa yai, kwa hivyo manii hayawezi kurutubisha yai. Na hivyo basi, hakuna ujauzito unaofanyika. Manii kutoka kwa mwanamme yanapokutana na yai lililoachiliwa, yanalirutubisha, kisha linajipandikiza kwenye kuta za uterasi na ujauzito kufanyika. Hata hivyo, kuna athari za tembe za uzazi wa mpango kwa wanawake.
Tembe zote za kupanga uzazi huwa na vichocheo vya estrogen ama progestin ama vyote viwili. Vichocheo hivi vina jukumu la kuathiri mzunguko wa kiasili wa homoni mwilini na kuepusha ujauzito. Homoni zinadhibiti kupata vipindi vya hedhi na kupevuka kwa yai, pia, huenda zikadhibiti manii kuingia kwenye kizazi kwa kutoa kamasi ya uke. Tembe hizi pia zinaweza kudhibiti kupata mimba kwa kufanya kuta za uterasi kutoweza kupandikiza yai. Hata hivyo, tembe hizi zina athari hasi.
Athari hasi za kutumia tembe kupanga uzazi
Kuongeza uzani wa mwili
Kuna uhusiano kati ya utumizi wa tembe za kupanga uzazi na mabadiliko ya uzani wa mwili, wanawake wengine huenda wakapoteza uzito, huku wengine wakiongeza. Kuongeza homoni mwilini huathiri utendaji kazi wa homoni zilizo mwilini na kuchangia katika mabadiliko mwilini.
Kichefuchefu
Mwanamke huenda akahisi kichefu chefu anapokuwa akitumia tembe za kudhibiti uzalishaji hasa katika siku za mwanzo. Njia ya kupunguza athari hii ni kwa kula kabla ya kuchukua tembe hizi unapoenda kulala. Wasiliana na daktari wako kichefu chefu kisipo pungua baada ya miezi mitatu.
Maumivu ya kichwa
Wanawake wengi wanaotumia uzazi wa mpango wa tembe wameripoti kushuhudia maumivu ya kichwa. Hasa tembe zilizo na viwango vya juu vya homoni. Maumivu haya hupungua baada ya muda, yasipo, wasiliana na daktari wako.
Mhemko wa hisia
Tembe hasa zilizo na homoni huathiri mhemko wa hisia na kumweka mwanamke katika hatari iliyo ongezeka ya kuugua fikira nyingi ama kuwa na hisia nyingi. Ni vyema kwa wanawake kuwasiliana na madaktari wao mara kwa mara. Hizi ni baadhi ya athari za tembe za uzazi wa mpango.
Chanzo: WebMD
Soma Pia: Njia Za Uzazi Wa Mpango Kwa Wanaume Na Athari Zake!
