Belle Week 39: Yur Week By Week Guide
Yur pikin wen big reach water-melon don dey flex him limbs.
For belle week 39, yu go don dey feel strong movement of di foetus inside yur belle. Plenti things still dey wen yu go experience. So make yu dey read go.
How Yur Pikin Take Big Reach For Belle Week 39?
For belle week 39, yur smally don reach size of small water-melon. Di weight and height go don reach 50.7 cm, and 3.25kg. No wonda yu dey feel heavy!
Inside dis weekli belle guide, yu go see sey:
- Even if yu commot physical development, yur pikin brain still dey develop.
- Him nails don grow pass di fingertips, he fit even open him eyes and breath well.
- Minus sey yur pikin cheeks dey kissable, di thick layer of fat inside am go change him skin from pink to white. Dis na regardless of how he go dark reach afta.
- By belle week 38, yu fit get false labour efiri now and den. Dis pain fit start for di front of yur belle, den e go commot wen yu change position. If di pain kontinu, go see yur doktor.
- Di urge to tidy efiri wia go dey strong, try make yu no stress yursef while yu dey clean up.
- E dey veri important make yu chop betta food wen get nutrient and try make yu sleep well. Yu need all di strength wen yu fit gada to face deliveri.
- Make sure sey efiri thing wen yu need dey yur hospital bag.
- Go through yur action plan just in case labour start: Who to call, wetin to carri,wia yu fit go .e.t.c.
Your next week: 40 weeks pregnant
Your previous week: 38 weeks pregnant
Yu get any queshion wen yu wan ask about dis weekli belle guide? which concerns yu get currentli? Drop yur comment for di section unda!
Translated By Anino Aganbi