Belle Week 41: Yur Week By Week Guide
Yur little cherub go soon arrive, but as yu dey wait, e good make yu sabi di difference between real labour contractions and Braxton Hicks contractions make yu get peace of mind.
For belle week 41, yur pikin don prepare to show any time from now. Most first time mamas still get dia cherub for belle, as plenti first pikin dey come late. Yu no get any reason to raise alarm yet. Kontinu to dey monitor di foetal movement and follow yur doktor talk if yu get any concern.
How Yur Pikin Take Big Reach For Belle Week 41?
Yur pikin don reach medium size of medium jackfruit. Now him/her weight and height suppose be 51.5cm and 3.6kg! Na betta time to follow yur doktor talk about immediate birth plan be dis.
Yur Pikin Development
Inside dis week by week belle guide, yu go sabi sey:
- For belle week 41, yur pikin endocrine system, wen dey responsible for homones don dey readi for birth.
- Once activiti don slow down for yur belle, yur pikin don reach full size be dat and he no get space to dey move .
- By 41 weeks, yu fit enta natural labour. Some signs to check na: yur water break, discharge mucus wen get blood, regular and frequent contraction.(No confuse am with Braxton Hicks).
- Until den, yu fit piss plenti, get pain for pelvic, haemorrhage and diarrhoea.
- Stay nia bathroom–yur pikin size dey put pressure for yur bladder.
- Relax yur body; yu fit use warm bath tub or pool take relax.
- Try make yu relax. Just becos yu don pass 40 weeks no mean sey yur pikin dey ova due. E fit just be sey dem miscalculate time of conception.
- If yu neva follow yur doktor talk about induced labour, do am now. If yur cervix neva readi for labour, yur doktor fit use hormones take make am ripe before he go induce yu.
- Put all yur emergenci contacts for speed dial. Once yu see sey di foetus no dey move plenti like before, or yu get leakage for yur vagina, call yur doktor.
Your next week: 42 weeks pregnant
Your previous week: 40 weeks pregnant
Yu get any question about dis week by week belle guide? Which concerns yu get for now? No forget to drop comment unda!
Translated By Anino Aganbi