Breastfeed Your Newborn Using Dis Guide
De pikin wey dem breastfeed well go dey fresh, chubby and healthy. See the method wey you go follow for your new pikin.
Dem early weeks of breastfeeding dey dey rough and if e dey tire you from time to time, you no dey alone. As to dey feed de pikin evri time e dey helep build your milk supply na so e fit dey tire person to dey do. So dey patient, look after yourself, and get rest of mind sey e go dey easy. Dis day by day breastfeeding guide go helep you.
To dey nurse from time to time dey helep good milk supply and e nor go make dey milk congest. Try to nurse at least 10 – 12 times per day (24 hours). You nor fit overdo de nursing–you only fit nurse too little.
As you see signs of hunger for your pikin like dis, begin nurse (stirring, rooting, hands in mouth)– nor wait till your pikin begin dey cry. Allow baby unlimited time for breast when im dey suck well well, den give am de second breast. Some newborns dey sleep too much at first–wake your pik up and nurse am if 2 hours (during de day) or 4 hours (for night) don pass and you never nurse dem.
Weight gain: Normal newborns fit lose up to 7% of dem birth weight for de first few days. After mama milk don enter, on average pikin wey dem breast feed fit gains 6 oz/week (170 g/week). Carry pikin for weight check at de end of de first week or beginning of de second week. Consult with your pikin dokito and person wey dey guide you for breast feeding if your pikin nor dey gain weight as you expect am.
Dirty diapers: For dem early days, baby dey always get one dirty diaper for each day of life (1 on day one, 2 on day two…). After day 4, de shit suppose yellow and your pikin suppose shit at least 3-4 times daily wey be like de size of US quarter (2.5 cm) or larger. Some babies dey shit every time dem nurse dem, or even more often– dis one dey normal too. De normal shit for pikin wey dem breatfeed dey dey loose (soft to runny) and e fit dey seedy or curdy.
Wet diapers: For dem early days, baby dey always get one wet diaper for each day of life (1 on day one, 2 on day two…). Once mama milk don come in, dey expect 5-6+ wet diaper for every 24 hour. To feel as wet diaper dey be like, pour 3 tablespoons (45 mL) of water inside clean diaper. A piece of tissue for inside a disposable diaper go helep you determine if de diaper dey wet.
Your milk suppose start to “come in” (increase in quantity and change from colostrum to mature milk) between days 2 and 5. To minimize make milk dey congeal: dey nurse well, nor skip feedings (even for night), ensure good latch/positioning, and allow baby finish de first breast before you give am de oda side. To decrease discomfort from engorgement, use cold and/or cabbage leaf compress as you dey feed. If baby dey get trouble to dey suck due to engorgement, use reverse pressure softening or express milk till de nipple don soft, den try latching again.
|Call your dokito, midwife and/or lactation consultant if:
De following tins dey normal:
- Frequent and/or long feedings.
- Varying nursing pattern from day to day.
- Cluster nursing (very frequent to constant nursing) for several hours—usually evenings—each day. Dis fit coincide with de normal “fussy time” wey many pikin get for early months.
- Growth spurts, where pikin dey nurse more dan e suppose be for several days and e nor dey dey satisfied. Common growth spurt times in de early weeks na dem first few days for house, 7 – 10 days, 2 – 3 weeks and 4 – 6 weeks.
Weight gain: De average pikin wey dem feed well with breast milk dey gain 6 ounces/week (170 grams/week). Consult with your pikin dokito and your lactation consultant if your pikin nor dey gain weight as e suppose.
Dirty diapers: Expect 3-4+ shit for each day wey be de size of a US quarter (2.5 cm) or larger. Some pikin dey shit every time dem nurse, or even more –dis na normal tin. The normal stool of a breastfed baby dey yellow and loose (soft to runny) and e fit dey seedy or curdy. After 4 – 6 weeks, some pikin go reduce as dem dey shit, dem fit dey shit like one time every 7-10 days. As long as your pikin dey gain well, dis one dey normal.
Wet diapers: Expect 5-6+ wet diapers every 24 hours. To feel as wet diaper dey be like, pour 3 tablespoons (45 mL) of water inside clean diaper. A piece of tissue for inside a disposable diaper go helep you determine if de diaper dey wet. After 6 weeks, wet diapers fit drop to 4-5/day but amount of piss go increase to 4-6+ tablespoons (60-90+ mL) as de baby bladder capacity dey grow.
Some mama dey worry about milk supply. As long as baby dey gain well ontop only dem mama milk, den milk supply dey good. Between weight checks, sufficient number of wet and dirty diapers go indicate sey de pikin dey get enough milk.
Source: Web MD