Carrot Stew - Delicious Recipe Yu Need For Yur Table

Carrot Stew - Delicious Recipe Yu Need For Yur Table

Carrot stew na betta substitute for tomato stew and na way wen yu fit add vegetable to yur pikin food.

Yu dey find how yu fit add vegetables to yur pikin diet? Dis recipe on how to make delicious carrot stew na exactli wetin yu need.

Tomato stew na di most popular, but if yu wan try something new, delicious carrot stew na betta idea. Apart from sey e dey healthi, yu fit use am substitute tomato stew for rice, yam or plantain.

Tomatoes get season and dem dey cost wen time reach, but carrots dey cheap and accessible. Yu fit use carrot take do many oda things. So, why yu no go give carrot chance with delicious carrot stew recipe.

How To Make Delicious Carrot Stew

carrot stew

Image: Afrolems

      Ingredients

  • 500g carrot
  • 300g cow meat
  • 2 medium onions
  • 1 tablespoon fried shallot
  • 2 small green pepper
  • 3 medium fresh pepper or to taste
  • 1 teaspoon rosemary spice
  • 2 stock cubes(maggi)
  • 1 medium clove fresh garlic
  • 1 tablespoon fresh turmeric
  • 1 teaspoon curry powder
  • Salt to taste
  • 250ml vegetable oil

Preparing for carrot stew

carrot stew

  • Wash yur carrot well, scrape di back, den wash am again before yu grate.
  • Wash and slice onions, pound di fresh pepper den keep am aside.
  • Also, wash di beef well make yu keep for one side.
  • Grate fresh turmeric and garlic, and den wash and dice di green pepper.

onions and pepper

Directions

  • Put di washed meat inside empty pot, add all yur spices and maggi with salt, mix am well with wooden spoon before yu put am for fire.
  • Cook di meat reach 7-10 minutes before yu commot am.
  • Heat up yur vegetable oil for empty pot for two minutes, add yur slice onions make yu stir am, den add yur carrot wen yu grate den stir again. Cook di carrot till di water dry.
  • Add pepper, curry, meat stock, stir am make yu cova am.Allow am simmer for 20 minutes. Afta make yu add maggi, salt, water  to lighten to yur taste, stir am make yu cova. Allow am simmer for 5 minutes.
  • Finalli add yur green pepper wen yu chop, stir am for fire for two minutes den commot am.

Enjoy yur delicious carrot stew with rice, plantain or yam.

Also read: Here’s How To Cook Stew With Goat Meat Naija Style

Source: www.adasrecipes.com

Written By Lydia Ume

Written by

Anino Aganbi