Your Pikin Back To School Hair Styles For Girls Dem

Your Pikin Back To School Hair Styles For Girls Dem

Your pikin dey go back to school. Na some of dem back to school hairstyles for Girls be dis. Choose one wey you like do for your pikin.

Holiday don end and your pikin go soon resume for school. You fit dey wonder which kain back to school hairstyle for girls you fit do for your girl pikin. Your girl pikin suppose carri hairstyle wey go make her look beauty and wey go show sey her parent dey take good care of her. We don gada some styles wey you fit do for you girl child wey go make sense for her head.

Low cut

Your Pikin Back To School Hair Styles For Girls Dem

You go find many girl pikin dey carry dis kain hairstyle. Dis kain hairstyle dey okay for dos wey dem hair no dey quick grow or wey dem hair dey break. Some dey carry am because dem no like de stress to dey plait or weave hair. Fifteen minutes for barber shop and low cut don ready. E also dey less expensive to do.

Cornrows

Your Pikin Back To School Hair Styles For Girls Dem

Dis na dem old traditional style wey African take dey braid dem hair. Some part of Naija dey call am ‘adimole’ as de skin for your head go dey show wen you carri dis kain hair. E dey make girl pikin look beautiful and to do am no dey cost much. E dey make sense for girl pikin wey get plenty hair.

Twisted braids

Your Pikin Back To School Hair Styles For Girls Dem

Na dis kain hairstyle dem dey call bobmarley. Dis style dey common and e dey make girl look gorgeous. E fit take small time to arrange am for de pikin head but de beauty and de length of time wey dem fit use carri de hair go complement for de time wey dem spend. You fit also use colourful ribbons wey fit blend with de pikin cloth take arrange de hairstyle.  

Natural afro

Your Pikin Back To School Hair Styles For Girls Dem

Dis na one of de hairstyle wey dey reign for town. Dem don even give name for people wey get am- “team natural hair”. People wey dey carri natural afro dey also maintain am so e go dey dark and shining. De good tin about de hairstyle be say, you fit make anytin from de hair- like curls, braids, banku knots. You fit leave as he e be and still look elegant.

Ponytail

If you dey look for fast and cheap hairstyle for your girl pikin, dis one na de right option for you. You go gada all dey hair come weave, tie or pack am for de pikin back. No be only back de ponytail fit dey, e fit dey sideway too. To make am look more beautiful, you fit use ribbon wey match the pikin school uniform to take tie de hair. Apart from sey e dey cheap to do, e nor cost anytin to maintain too.

Dreadlock

Your Pikin Back To School Hair Styles For Girls Dem

Dreadlock na hairstyle wey dey form wen dem tangle hair to form locks. Some religion also believe sey some children must to dey carri dreadlock because dem be special pikin. You fit consider the neat type of dreadlock, e dey fit girl pikin.

Now, de worry on top de back to school hairstyle for girls don reduce. You fit choose any of the styles above. All in all, try make sure sey wetin you pick fit de kain hair wey your pikin get.

Read this tori join: A List Of Back-To-School Snacks Ideas For Mums. 

Written by

Tony S Abiodun