3 fruits to avoid during de first trimester of your pregnancy
E get some fruits wey be sey de best tin na to avoid dem for pregnancy for very good reasons. Find out more.
Pregnancy na journey wey gada many challenges join body. From morning sickness to rapid changes for body structure, pregnant women dey adapt to different set of routines wey dem no dey use to for normal day. One of dem main changes na diet: Wetin exactly dey safe and beneficial to eat, and wetin no dey? All fruits dey safe to eat, and if e nor dey safe, why? Here, we discuss three fruits to avoid for pregnancy first trimester. But first…
Why de first trimester of pregnancy dey so important?
De first trimester dey important because even though your belle never begin to show, your baby dey grow inside you physically. By de end of de first trimester, most of your tiny foetus’s organs (pikin wey dey inside) don form already.
Your little one dey grow fast fast during de first trimester. By de end of it, im don already get complete set of organs – from de brain, heart, to even de voice box and eyelashes! | Image source: stock photo
Since de foetus still dey develop, e nor go fit defend imself as im never get im own immune system. Many tins fit injure all of im organs wey dey grow, tins like drugs, infections, radiation, tobacco and toxic chemicals.
As you dey know all dis, one way to take keep you and your foetus healthy na to refrain from alcohol, caffeine, smoking or drugs. For de pikin wey dey iinside you to develop as e suppose, you suppose maintain good lifestyle habits like; to dey exercise regularly, to dey drink adequate amounts of water and to dey eat de right tins.
Wen e don come to food wey no dey safe to eat during pregnancy, we know wich of dem be usual suspects: soft cheese, sushi, soft-serve ice-cream – anytin wey fit cause food poisoning. But no be only dat, you know sey e get some fruits too wey you suppose avoid, especially for de first trimester?
3 Fruits to Avoid For Pregnancy First Trimester
Mix opinion dey on top grape mata wen we dey talk about fruits to avoid during pregnancy first trimester.
Some experts advise sey e dey safe to eat am while some say we suppose avoid am. Even as grape get plenty of vitamin A and C (wey be very important nutrients for dem pregnant mama), e get some reasons why you fit wan avoid grapes for your first trimester:
- Resveratrol toxicity. De outer skin of grapes dey rich for de compound wey dem dey call resveratrol. Although scientific research don see resveratrol as healthy nutrient, e fit dey toxic to pregnant women. De reason na because resveratrol fit react with dem disproportionate hormone levels wey pregnant woman fit get. One study also find sey dem pregnant monkeys wey dem fed with resveratrol supplements lead to surprising results. Although more blood come from de placenta of de pregnant monkey to de foetus, de pancreas of de baby developed irregularly. De pancreas dey important to take control glucose levels for blood, e mean sey e dey likely make dem pikin suffer from diabetes later on.
- Pesticides wey remain for skin. Dem dey usually spray grapes with pesticides wey nor dey easily wash comot. Dese pesticides fit contribute to health complications for de foetus.
- Grapes fit cause constipationas im skin dey difficult to digest.
- Heatiness wey fit affect both de mama and de baby.
If you de concern about eating grapes wen you dey pregnant, please consult your dokito or gynaecologist for further advice.
- Unripe and Semi-Ripe Pawpaw Fruit
We know pawpaw for im sweet, juicy, orange flesh and as natural remedy for indigestion. E dey common for dem tropical countries and e dey come in different types and sizes. But, de type wey never ripe at all or wey ripe only small nor good at all especially for dem pregnant women for dem following reasons:
- Dem get plenty latex, wey dey promote early uterine contraction. Dis one fit cause miscarriage.
- Dem contain large amounts of papain. As part of im side effect, papain fit trigger early labour. De reason behind na because papain look very similar to another molecule wey dey perform dis kain role, your body fit mistake papain for dat molecule.
- Latex na common allergen. Common allergic symptoms include runny nose, swelling for de mouth area and skin rashes. Nor be only dat, sometimes allergic reactions fit cause breathing difficulties and anaphylaxis. For such cases, go look for medical attention.
Try avoid food or dishes wey contain unripe or semi-ripe papaya (wey get green skin totally), example na green papaya salads or papaya smoothies wey contain papaya seeds.
As dem unripe versions na de best food wey we nor suppose eat during pregnancy, ripe papayas, for de other side, dey completely safe.
In fact, ripe papayas (wey de skin yellow well well) contain plenty nutrients wey dey important for healthy pregnancy, such as:
- and vitamins A, B and C.
Who nor like pineapple? E dey sweet, bright yellow and e dey tasty whether you eat am ripe or used am in dishes (like pineapple fried rice).
De bad tin be sey, dis tropical fruit nor dey suitable for pregnant women. We know pineapple to contain bromelain, de enzyme wey dey break down protein. One of im side effects be sey dat bromelain fit make de cervix soft, dis one fit lead to early labour.
Dem studies also done show sey bromelain tablets dey high for to break down protein so tey dem fit even cause irregular bleeding!
Be as e be, put am for mind sey you go need to eat massive amounts of pineapple (between seven to ten fresh ones at one go) before you go fit induce dis kain effect. Dis mean sey while we suppose avoid concentrated bromelain pills, to eat a few slices of pineapple wen you get belle still dey okay.
Put am for mind sey to dey eat too much pineapple fit cause issues because of de acidic nature. E fit cause acid reflux, heartburn, and even diarrhoea (wey dey lead to dehydration).
Also, if you never chop pineapple for some time, e dey possible sey if you come chop am now, e fit cause allergic reaction. If you get symptoms like nasal congestion, itchy or swollen areas for your mouth or asthma after you don chop pineapples, abeg, go book appointment with your local dokito and discuss am.
More Tips About Eating Fruit wen Pregnant
wash all dem fruits before and after cutting.
Clearly, food wey dem no wash no dey fit to chop whether you dey pregnant or not. Even as e be like dat, dem dey especially risky for pregnant women.
Dem soil particles on top fruits and vegetables fit accommodate dem bacteria like toxoplasma, wey fit make infection possible for both de mama and baby.
Dey always wash your fruits and vegetables, make sure sey dem dey completely free of soil particles before you chop dem.
Why pregnant women suppose eat fruits as part of deir diet?
Dem fruits na essential part of pregnant woman diet. No be only sey dem get nutrients wey fit support your baby growth, but dem also provide minerals, vitamins, antioxidants and fibre.
To add join am, deir rich nutrient content dey dey counterbalanced by low calorie content, e make am de correct food for pregnant women! To add join am, de following benefits dey linked to fruit consumption:
- Preventing cell damage. Fruits get antioxidants, wey dey helep to reduce any fetal cell injuries from damaging substances for de environment.
- Reduced difficulty to breath for infant, dis one dey associated with higher consumption of apples.
- Lower likelihood of childhood eczema, dis one dey linked to eating citrus fruits during pregnancy.
Wich fruits dey completely safe to eat during pregnancy?
Apples contain different different beneficial nutrients, like fibre, vitamins A & C, and potassium. To add join am, previous research also point another added bonus: Most pikin wey dem born from mama wey dey chop apples wen she get belle nor develop childhood asthma or allergies.
Apart from sey e dey helep prevent childhood eczema, oranges also get:
- High water content, e dey helep make you nor suffer dehydration;
- Folate, a key vitamin wey dey stop irregular development for de brain and spinal cord;
- Vitamin C, wey not only gat antioxidant properties, but also dey helep for iron absorption.
Bananas contain high levels of potassium, vitamin B-6, vitamin C and fibre. Fibre for banana fit helep prevent constipation, whereas vitamin B6 fit helep reduce nausea and vomiting from morning sickness.
Avocados na de nutrient powerhouses for all fruits, e contain plenty plenty nutrients such as:
- Vitamins B, C and K
- Folate – avocados get much higher levels compared to your average fruit.
In particular, to dey chop avocados fit reduce dem cases of:
- leg crampsfrom low potassium and magnesium levels
- nausea, maybe because e get high magnesium and choline content
- abnormal brain and nerve developmentfor your baby via supplying ample amounts of choline
E nor dey de list of fruits to avoid during pregnancy first trimester!
Dese yummy fruits also get plenty nutrient-dense superfoods wey fit provide a lot of beneficial compounds, such as:
- vitamin C
To maintain healthy levels of energy during de day, pregnant women suppose consume 50 to 60% of dem calories from carbohydrates. Berries pack plenty plenty nutrients pass other “empty calories” from refined grains. Dey consider to limit refined carbohydrates and to eat more nutrient-rich sources of carbohydrates like berries, instead.
We hope dis information on fruits to avoid during pregnancy first trimester bin dey useful to you, and helep you ensure safe and smooth pregnancy!
Read also: Is the African pear safe for pregnancy?