Baada ya kuwa katika ndoa kwa miaka miwili, Zara na bwanake walikuwa tayari kuwa wazazi. Akilini, Zara alikuwa na picha ya familia ambayo angependa kuwa nayo. Familia ya watu watatu, yeye, bwanake na mtoto mmoja wa kiume. Walianza juhudi za kutunga mimba, baada ya kuhakikisha kuwa wamefanya mipango kabambe kuwa na mtoto kwenye familia yao. Kwa bahati nzuri, walifanikiwa na baada ya muda mdogo, Zara aliweza kutunga mimba.
Alizidi kuomba usiku na mchana kuwa mtoto aliyekuwa tumboni mwake awe kijana. Kwani hilo ndilo lililo kuwa ndoto lake. Miezi tisa ilipita na hata ingawa ilikuwa na misuko suko yake, walijazwa na furaha tele alipo jifungua. Mtoto ni baraka haijalishi jinsia yake! Alipo mshika mtoto huyu mchanga mikononi mwake, alijiona kwenye sura ya mtoto huyu. Na hata kama azimio lake halikutimia, alifurahi kuwa alijifungua mtoto wa kike mwenye kupendeza na mwenye afya bora. Je, kwa wanandoa kama Zara na mchumba wake, kuna uwezekano wa kupata mtoto wa jinsia unayo tamani? Soma zaidi kuhusu jinsi ya kupata mtoto wa kiume.
Vidokezo muhimu vya jinsi ya kupata mtoto wa kiume
Hakuna njia dhibiti ya kupata mtoto wa jinsia moja. Kwani kinacho dhibiti jinsia ya mtoto atakaye zaliwa ni chromosome inayo achiliwa na baba na kurutubisha yai la mwanamke. Ila kuna njia ambazo wanandoa wanaweza kutumia kuongeza nafasi zao za kutunga mimba ya mtoto wa kiume.
- Wakati wa kufanya tendo la ndoa
Ikiwa wanandoa wangependa kuongeza nafasi zao za kujifungua mtoto wa kiume, wana shauriwa kufanya ngono siku ya kupevuka kwa yai la mwanamke. Na sio wakati wowote kabla ya masaa 24 kabla ya siku hii. Kwa sababu hii, ni muhimu sana kwa mwanamke kufahamu chati yake ya mzunguko wa hedhi na siku ya kupevuka kwa yai.
Ni vyema pia kwa mwanamke kufika kilele, tofauti na pale ambapo wanandoa wanatafuta mtoto wa kike. Ambapo mama hashauriwi kufika kilele katika tendo la wanandoa. Kabla ya tendo la mapenzi, wanandoa wanaweza kunywa kikombe cha kaffeini ama kula chokleti.
2. Lishe
Lishe ni muhimu sana kwa mama anaye taka kutunga mimba. Na lishe inayo faa huenda ikaongeza nafasi za kupata mtoto wa kiume. Kulingana na utafiti uliofanyika mwaka wa 2008, ilidhihirika kuwa wanawake walio kula wanga zaidi waliongeza nafasi za kujifungua mtoto wa kiume.
Sio kumaanisha kuwa mama anapaswa kuongeza kiwango cha wanga kwenye lishe yake kwa idadi kubwa. Anajihatarisha kuongeza uzito mwingi wa mwili. Lishe yake inapaswa kuwa ya wanga yenye afya. Vyakula vyake vinapaswa kumsaidia kuongeza kiwango cha alkaline kwenye mwili.
3. Usaidizi wa kimatibabu
Kuna matibabu ambayo yanaweza wasaidia wanandoa kutunga mimba ya jinsia wanayo tamani. Kufuatia hatari zinazo andamana na mbinu hizi, hazi shauriwi kwa sana. Mama ako katika hatari ya kufanyiwa upasuaji ama kuharibika kwa mimba.
Mchakato wa kimatibabu unao fahamika kama preimplantation genetic diagnosis (PGD) ina saidia kutengeneza viinitete, kupima jinsia yake na kupandikiza kiinitete chenye jinsia inayo kusudiwa kwenye kuta za uterasi. Na mama atajifungua mtoto wa jinsia aliyo tamani.
Ikiwa shaka yenu kuu kama wanandoa ni jinsi ya kupata mtoto wa kiume, ni matumaini yetu kuwa makala haya yatawasaidia kuamua njia itakayo wafaa zaidi ya kutimiza matamanio yenu.
Chanzo: healthline
Soma Pia: Matayarisho Ya Mwisho Kabla Ya Mama Kujifungua
