Vidokezo Muhimu Kwa Wazazi Wa Kiume Wa Mara Ya Kwanza

Ni jambo la kawaida kwa wazazi wa mara ya kwanza kushangaa jinsi ya kuwa baba mzuri kwa watoto wao na kuwa bwana mzuri kwa bibi aliye jifungua. Pia wangependa kufahamu jinsi ya kuwa na familia zenye utangamano na furaha. Makala haya yana kudokezea jinsi ya kutimiza haya yote!

Jinsi Ya Kuwa Baba Mzuri

1.Hakikisha kuwa unatenga wakati wa kuwa na familia yako

Kazi ni muhimu na ni vizuri kufanya kazi kwani hiyo ndiyo njia pekee ya kuwa hakikishia wana jamii wako maisha mema. Ila, ni vyema kukumbuka kuwa familia yako ni muhimu na utangamano wa kihisia ni muhimu hasa sasa mlipo jifungua mtoto. Kazi huenda ikaisha lakini familia yako itakuwepo nawe wakati wote, hakikisha kuwa unawapatia wakati wako. Katika wakati wenu wa pamoja, mnaweza fanya mambo ya kusisimua yanayo wafurahisha. Kama vile kupika pamoja, kusoma vitabu, kutazama kipindi mnacho kipenda ama hata kutembea.

2. Ni vyema kuchukua wakati wa mapumziko

Mbali na kuwa mzazi wa mara ya kwanza, wewe bado ni binadamu na sio mashine. Na kama binadamu wengine, kuna nyakati ambazo utahisi umelemewa na mambo ama una mambo mengi yanayo hitaji umakini wako. Kazi, mke wako, mtoto wako, wakati mwingine marafiki ama ndugu zako, yote haya ni mengi kwa mtu mmoja. Ukihisi kuwa mambo yamekulemea, ni vyema kuchukua muda kuwa peke yako na kupumzika. Kufanya hivi kutakusaidia kupata nishati zaidi na kuanza upya tena. Usione haya kuchukua muda na kupumzika.

3. Kuwa na wakati wa kucheza na watoto wako

Kila jioni unapo toka kazini, chukua dakika chache ucheze na watoto wako, huku ukiuliza walivyo shinda. Njia hii inakusaidia kuwa na utangamano mzuri na watoto wako na pia kupunguza fikira nyingi za siku yako na kazi. Na watoto wako wata kupenda!

4. Kuwa mvumilivu na uzungumze na mchumba wako

Kupata mtoto kutaleta hisia nyingi na huenda mazungumzo yenu yaka didimia katika kipindi hiki kwani majukumu pia yame ongezeka. Kumbuka kuwa kuzungumza na mwenzio kutawaleta pamoja na kukusaidia kujua unako hitajika kumsaidia. Kuwa mpole na bibi yako kwani bado anapona baada ya mchakato wa kuchosha wa kujifungua.

5. Msaidie bibi yako

Kuna baadhi ya wanaume wanao amini kuwa mtoto ni jukumu la mama. Kumsafisha, kumlisha, kumbeba, kumlaza na kazi zingine zote. Hii ni njia isiyo faa ya kufikiria. Kumbuka kuwa mtoto ni baraka kwa wazazi wote wawili. Msaidie mama kufanya kazi zingine na usiwe na uwoga wa kumshika ama hata kumbeba mwanao.

6. Zungumza na wababa wengine kuhusu safari yao ya ulezi

Kuna vikundi vingi vya wazazi wa mara ya kwanza, utapata ushauri kutoka kwao na ni vyema kuwa na mtu ambaye unaweza mwuliza swali kuhusu ulezi. Kwa hivyo usione haya kujiunga na wazazi wengine.

Soma Pia: Kuboresha Uhusiano Kati Ya Mzazi Na Mtoto: Vidokezo Muhimu Kutoka Kwa Zozibini Tunzi