Kucheza na kumwongelesha mtoto wako unapo mbadili nepi, unapo mshika, unapo mwimbia ili alale ni muhimu sana. Anapo toa sauti za kitoto, na unarudia, ni wakati mwema wa utangamano kati ya mzazi na mwanawe. Mbali na kuwa jambo la kufurahisha, ni muhimu sana katika ukuaji wao. Je, una fahamu jinsi ya kuzungumza na mtoto wako mdogo?
Ubongo wa mtoto ungali mchanga na una zidi kuelewa maneno, sauti, na lugha ambazo watazitumia mara ya kwanza wanapo anza kutamka. Kwa hivyo una jukumu kubwa. Watoto walio na wazazi wanao waongelesha mara kwa mara huwa na uwezo mzuri wa kuzungumza na kujieleza ikilinganishwa na watoto walio kosa hili.
Kwa mtoto mchanga, ili aweze kuelewa unacho sema na iwe rahisi kwake kufuata unacho sema, mzazi ana shauriwa kutumia maneno rahisi na yanayo jirudia. Pia, unaweza anza kumwimbia nyimbo rahisi na za watoto.
Jinsi ya kuzungumza na mtoto na umuhimu wake
Watoto huwa makini sana kusikiliza na kuitikia lugha ya kitoto ikilinganishwa na mazungumzo ya kawaida ya watu wakubwa. Unapo ongea kwa sauti ya kitoto kwa mwanao, akili yake ina changamka na kuanza kuhifadhi baadhi ya maneno yaliyo rahisi kwake.
Asilimia kubwa ya ukuaji wa akili ya mtoto hutendeka katika miaka ya kwanza mitatu ya maisha yake. Kwani katika kipindi hicho, akili yake ina zidi kukua na kuchakata ujumbe kutoka kwa mazingira yake. Kwa hivyo unapo zidi kuongea na mtoto wako, akili yake inachakata lugha na ujumbe unao pitisha. Kwa hivyo, hakikisha una zungumza na mtoto wako mara kwa mara ili kukuza uwezo wake wa siku za usoni wa kuongea na kusoma kwa haraka.
Vidokezo muhimu vya kuzungumza na mtoto wako
- Zungumza nao mara kwa mara. Watoto ambao huzungumza sana mara nyingi huwa na wazazi wanao penda mazungumzo
- Kuwa na wakati wa kipekee na mwanao, zungumza naye, mwimbie unapo mpakata, na kufanya hivi kutasaidia sio kuwa na utangamano bora tu, mbali kumsaidia mtoto kuweza kuhifadhi sauti yako akilini
- Hakikisha una iga maneno ya kitoto ya mwanao. Mpe wakati wako ili ajue kuwa unamsikiliza
- Punguza wakati anao tazama runinga kwani huenda akawa na matatizo ya kuzungumza ama kugugumaa
- Mwangalia machoni mwake, kufanya hivi kunamsaidia kuitikia mazungumzo yako vyema
- Hakikisha kuwa una zungumza na mwanao kila siku
Chanzo: Tuko
Soma Pia:Mambo Ya Kufanya Unapo Tatizika Kupata Usingizi Usiku
