Inside dis world wen dey celebrate three days for Mama and onli one day for Papa, e dey obvious sey we suppose do more to dey celebrate fatherhood. Na events wen just happen so, na im make us examine d life and times of dis legend wen be basketball player, Kobe Bryant; no be secret sey na fatherhood wen dey exemplary na im dey d heart of d legaci wen Kobe Bryant leave. Kobe na papa wen been dey fantastic, period. And we wan show you how we take know.
D Kobe Bryant Legaci: Story of Betta Fadahood
D basketball star wen die for inside helicopta crash, been dey use helicopta as him means of transportation to take move around Los Angeles. Him reason be sey? He wan to spend more time with him family, and less time inside traffic. How he take get him idea for dis helicopta ride so?
“I siddon inside traffic and I come end up dey miss one school play,” he tell Alex Rodriguez for 2018. “I come see sey need dey for me to figure out way wen I fit do my training and focus on d game and still no go compromise wen e reach time for my family.”
So he come look enta helicopta and choose am as d means wen him prefer take do transport. For anoda interview wen Bryant do, with Maria Shriver Sunday Paper, he talk say to be papa na im be d biggest accomplishment wen him fit get.
“D thing wen i dey proud of pass for dis life, na to be papa; na my biggest accomplishment be dis" he sey. "I don learn plenti, but d one wen dey important pass na dis fierce, unconditional love wen yu get for yur pikin as yu turn parents. I dey blessed to don get dat experience four times now and e no get anything wen dey powerful pass for dis life. "
Kobe Bryant and him wife Vanessa, get four beautiful daughters, and na so he take dey proud of all of dem. For dis part of d world, na big thing if yu no born man pikin. Plenti marriages don break and women don suffa plenti on top dis no born man wahala. But Kobe dey veri proud sey him na papa to four girls. Even though him wife, Vanessa been want boy, Kobe dey fine with dia girls.
For March 2019 interview wen he do with Extra, he talk sey, "He think sey him wife want boy pass him. I love to get girls — I dey veri veri happi about am. She sef dey happy too." He talk "She been want boy so he fit be Mamas boy forevea- dat kind thing. We go see weda I fit deliver, I no know"
Here Na Some Reason Why Bryant Na Wondaful Papa
He love d mama of him pikin
Parenting wen dey effective na becos of teamwork. To get relationship wen dey healthy with yur partna, na d first step wen yu go take to get parenting wen dey positive. Instead make yu take am for granted sey anoda parent dey d picture, e dey important make yu dey intentional wen yu dey appreciate d parenting effort of yur partner.
Obviousli, Kobe dey in awe of him wife Vanessa as mama. For Mothers day 2019, He tell her say "We love yu and thank yu for everi thing wen yu dey do for dis family". He tell her sey "Na yu be d foundation of evri thing wen we hold dear". Dis na one trait wen everi home across Africa suppose dey copy.
He instill values inside him daughters
Before yur pikin start school and even after sef, na yu be d first teacha wen dem get; and d important one sef. Na yur responsibility to put inside yur pikin d kind value wen dem need to wen go make pipu see dem as pilla of d society. Na yur job to teach dem lesson wen dey life and skill wen go fit help dem dey independent and progress on dia own.
Kobe been undastand dis one, na im make am dey record sey he teach him daughters dem. No be onli basket ball but skills wen go help dem save dia life like make dem dey pursue excellence for everi thing wen dem dey do. “One valuable lesson wen i fit teach dem na wetin e mean to pursue excellence and d level of commitment wen come with am," Bryant talk about him wen be coach so.
Na hands on papa he be who dey put him family first
Afta d sad
news about him death, one of dia close family friend follow People's Magazine talk and na wetin he say be dis: “One of d biggest thing wen he been dey look forward to afta he been retire from NBA [for 2016] na to follow him
family spend more time. “Kobe na hands-on papa, and like so many oda papas, he see future wen dey bright for all him daughters.”
Basketball legend Kobe Bryant na d kind papa wen dey above, but he pass so. Even him friends and colleagues dem talk about d kind wondaful papa wen he be for dia tributes. To rememba am for d light of dis him wondaful parenting na d best way to recognize d legacy wen Kobe Bryant leave.
Even betta, to borrow leaf from d kind family man wen he be, go make dis Kobe Bryant legaci strong and make sure sey Kobe live on, foreva.
People Magazine
Also read: An Open Letter To Vanessa Bryant: Living In A World Without Kobe And Gianna
