Watu wawili wanapofunga ndoa, miaka ya kwanza saba huwa ngumu. Matatizo katika ndoa ni kawaida, kwani hiki ni kipindi chenu kukua - wakati ambapo nyote wawili mnazidi kujuana na bado mnajaribu kujua jinsi itakavyo fanya kazi. Nyakati ngumu zitaibuka lakini mtaweza kuzishinda. Ili kuwa na chanzo chenye ufanisi, hapa kuna hatua rahisi ambazo unaweza kuchukua ili kuboresha uhusiano katika ndoa.
Kuboresha uhusiano katika ndoa
- Mawasiliano
Zungumza na mchumba wako kuhusu kinachokusumbua. Usizungumze kwa sauti ya juu kana kwamba unamgombanisha, wala usimshtue na kumkelelesha mara tu anapoingia nyumbani kutoka kazini. Ngoja hadi wanapo pumzika kisha umweleza hisia zako. Kumbuka kuwa na mawazo wazi katika mazungumzo yenu, usione kana kwamba anakuchukia.
2. Ushirikiano
Zaidi ya mambo yote, kumbuka kuwa ndoa yenu ni ushirikiano. Kila kitu unachokifanya kitamwathiri mchumba wako, kwa hivyo jadili kila kitu unachopanga kufanya nao. Usifikirie kuwa mchumba wako ni mdogo wako. Hata kama hana kazi kama wewe, ana jukumu la kuchunga familia na kuwalea watoto na hilo ni jukumu kubwa.
3. Wakati tosha
Kila mzazi anaelewa jinsi ilivyo vigumu kupata wakati wa kipekee wa kusafiri na mchumba wako bila watoto. Watoto wanapozaliwa, hubadilisha ratiba ya wazazi na kuhitaji nishati na muda mwingi. Hata hivyo, ni muhimu kwa wanandoa kuhakikisha kuwa wanatenga masaa machache kila wiki kupata muda wao wa kipekee. Na kuzungumzia kuhusu maisha yalivyo, ndoto na mipango yao.
4. Kuvutiwa kingono
Ngono sio jambo muhimu zaidi, lakini kuvutiwa kifizikia ndicho kilicho waleta pamoja. Sio lazima kuwe na ngono, ikiwa unahisi umechoka kutokana na kufanya kazi siku nzima. Jaribu kumpakata mchumba wako kwenye kiti kisha kumpa busu. Chukua muda kufahamua anachotaka ili kufanya mambo yenu yazidi kuwa ya kusisimua.
5. Omba msamaha
Elewa kuwa, baada ya nyote wawili kubisha, ni muhimu kuomba msamaha ikiwa lawama ni kwako. Sio ishara ya kuwa mnyonge kukubali ulipokosea na kuomba msamaha. Hakikisha kuwa una omba msamaha kwa jambo ulilofanya na utie juhudi kutorudia kosa lako.
6. Juhudi za timu
Sharti la kwanza katika ndoa ni kuwa nyinyi ni timu moja, wewe na mchumba wako mnapaswa kufanya uamuzi kwa pamoja. Kwa sababu wazazi wako wamekuwa kwa ndoa kwa muda mrefu, sio kumaanisha kilichofuzu kwao kitafuzu kwako. Wewe na mchumba wako ni watu tofauti na maisha yenu ni tofauti pia. Kwa kufuata vidokezo tulivyo angazia, uhusiano wenu utaimarika. Ndoa ni hatua nzuri maishani, lakini itachukua muda na nyote kutia juhudi ili ndoa yenu ifuzu.
Soma Pia: Sababu 5 Kwa Nini Wanandoa Huachana
