Maria alifahamu kuwa ako taabani usiku wa pili baada ya kutoka hospitalini na kifungua mimba chake cha siku moja. Mtoto wake wa kiume alilia usiku mzima, Maria aliwaelezea marafikia zake walio kuja kumpakata mwanawe baada ya kutoka hospitalini. Nilikuwa nimechoka sana baada ya kushuhudia uchungu wa uzazi kwa siku tatu kabla ya mtoto kufika. Na alipo fika na kudhania kuwa ningepata angalau wakati wa kutuliza mwili na kulala vyema, alianza kulia usiku mzima na kufanya mambo yawe magumu zaidi. Sikujua cha kufanya wala mbinu za kumsaidia mtoto kulala vyema.
Baada ya miezi michache, hali haikuwa imebadilika. Alikuwa ana lala kidogo na nilipo fikiria kuwa mambo yame badilika, alirudi kwa uraibu wa kuamka baada ya kila lisaa usiku, Maria alielezea.
Ni vigumu kwa wazazi hasa wa mara ya kwanza kujua jinsi mtindo wa kulala wa watoto wao utakavyo kuwa. Kitu cha kipekee wanacho kifahamu ni kuwa watakaa jicho wazi usiku kwa miezi ya kwanza michache. Kulingana na wataalum wa watoto, miezi ya kwanza baada ya kuzaliwa kwa mtoto huwa migumu kwa mtoto na wazazi wake. Mtoto asipo lala, itakuwa vigumu kwa mzazi kulala ama kupata wakati wa kupumzika. Njaa ama shibe ina dhibiti jinsi mtoto atakavyo lala na kuamka. Matatizo haya ya kuamka usiku mzima huanza kupungua mtoto anapo fikisha miezi mitatu. Katika umri huu, watoto huanza kutoa homoni ya melatonin inayo fanya mzunguko wao wa kulala kuwa wa kawaida.
Jinsi ya kumsaidia mtoto kulala peke yake
Watoto huwa tofauti na masaa wanayo lala hutofautiana pia. Watoto walio zaliwa wanaweza lala kati ya masaa 10- hadi 18 kwa siku. Kati ya masaa haya, mtoto atalala kwa masaa 5 kabla ya kuamka. Anapo fikisha miezi minne (4) hadi mwaka mmoja, masaa anayo lala kwa siku yana punguka hadi masaa 9-12. Wakati mtoto anapo lala, mama anashauriwa kulala pia ama kupumzika. Katika umri wa miezi minne, epuka kumchukua mtoto kwa kasi anapo lia. Mpe angalau dakika chache kudhibitisha iwapo alikuwa analia ama ana ota. Akiendelea kulia, mtulize, akiendelea kulala, mwache hadi pale ambapo ataamka.
Kutomchukua punde tu anapo lia kutamsaidia kujituliza hadi alale tena.
Siri za usingizi wa mtoto
- Mfunikie mtoto wako kwa blanketi wenye joto anapo lala ili alale vizuri. Kumbuka kuhakikisha kuwa hauja mvisha mavazi zaidi. Kufanya hivi kutamtatiza kulala ama kumfanya aamke kwa sababu ya joto jingi.
- Usiweke mito ama blanketi zaidi kwenye kitanda cha mtoto wako, kufanya hivi kuna hatarisha maisha yake.
- Epuka kulala na mtoto wako kitandani kimoja anapo kuwa mchanga.
- Epuka kulala unapo mnyonyesha mtoto wako.
Vyanzo: WebMD, NHS
Soma Pia: Kuwa Makini Kuona Hatua Hizi Katika Mtoto Wako Wa Miezi Mitatu
