Kupata Mtoto Katika Umri Wa Miaka 50: Mambo Muhimu Ya Kufahamu
Mwanamke huzaliwa na mayai na anapo fikisha miaka ya kuanza kupata kipindi cha hedhi, yai lililo komaa huachiliwa kwa kila kipindi.
Kupata mtoto katika umri wa miaka 35 siku hizi kumekuwa tukio la kawaida kuliko hapo mbeleni. Ila wanawake hawakomi kupata mimba katika umri huo. Wanawake wengi wanazidi kufuzu kupata mtoto wakiwa katika umri wa miaka 40's na hata 50's.
Mengi yamesemwa kuhusu saa ya kibiolojia ya wanawake na ni kweli kuwa umri una athiri kutunga mimba kwa asili. Shukrani kwa teknolojia zinazo zidi kuboreshwa kila siku, nyanja ya uzalishaji imezidi kuimarika kila uchao. Na kufanya mambo yaliyo kuwa magumu hapo awali kuwa rahisi. Kwa hivyo hata kama uko na miaka 40 ama 50, kupata mtoto kunawezekana. Ikiwa una fikira za kupata mtoto ukiwa na miaka 50, huenda ukawa na maswali mengi sana, soma makala haya upate kuelimika.
Faida za kupata mtoto baadaye maishani
Kupata mtoto ukiwa na umri zaidi kuna kupatia wakati tosha wa kusafiri, kumaliza masomo, kupata kazi na kujijua vyema kabla ya kufanya uamuzi wa kupata familia. Hizi ni baadhi ya sababu kwa nini watu hufanya uamuzi wa kutokuwa wazazi mapema maishani mwao.
Ama kupata mchumba baadaye maishani. Faida nyingine ya kupata watoto baadaye maishani ni kuwa utakuwa na fedha za kutosha kuwalea watoto wako.
Hatari za kupata watoto katika umri huu
- Kisukari cha gestational
- Preeclampsia
- Mimba ya ectopic
- Kuharibika kwa mimba
- Kifo cha mtoto tumboni
Kujifungua baadaye maishani hakuathiri mama peke yake, mbali mtoto pia. Kivipi? Tazama:
- Matatizo ya kusoma
- Matatizo ya kuzaliwa
- Uzito mdogo wa mwili
Mama ana shauriwa kushauriwa kwanza na madaktari kabla ya kujifungua ili aelezewe mambo nyeti anayo faa kufahamu.
Jinsi ya kupata mtoto katika miaka ya 50's
Mwanamke huzaliwa na mayai na anapo fikisha miaka ya kuanza kupata kipindi cha hedhi, yai lililo komaa huachiliwa kwa kila kipindi. Na wanapo zidi kuzeeka, idadi ya mayai huzidi kupunguka. Na kufanya iwe vigumu kwa mwanamke kutunga mimba akiwa na idadi ndogo ya mayai. Hakikisha kuwa una wasiliana na daktari unapo jaribu kutunga mimba katika umri huu. Huenda uka shauriwa kuchukua dawa za rutuba kuhakikisha kuwa una tunga. Kwa sababu zitaongeza idadi ya mayai yaliyo komaa yanayo achiliwa kwa kila mzunguko.
Mbinu almaarufu ya IVF(in vitro fertilization) huenda ikawa chaguo kwako, ambapo yai linatolewa mwilini na kurutubishwa kutumia manii kwenye maabara kabla ya kurudishwa kwenye uterasi.
