Katika dunia ambapo kila kitu kiko shwari na hakuna doa wala kasoro, ni ndoto ya kila mwanamke kuwa amejipanga vilivyo kuhusu mimba yake. Mipango kama vile kuwa na uzani unaofaa kabla ya kupata mimba. Lakini, kwa wanawake wengi, jambo hili haliwezekani. Ujauzito hata kama ni kipindi cha kufurahisha, kinaweza leta utata wa uzito mwingi wa mwili kwa wanawake walio na uzani wa juu. Kufuatia kuongeza uzito kunako husishwa na kubeba mtoto tumboni.
Kufuatia utafiti unaozidi kufanyika kila uchao, imedhihirika kuwa kupunguza uzito katika mimba kuna wezekana na huenda kukawa na faida kwa wanawake walio na uzani mwingi. Kumbuka kuwa, kupunguza uzito hakushauriwi kwa wanawake ambao walikuwa na uzani wenye afya kabla ya kupata mimba. Ikiwa ungependa kujihusisha katika kupunguza uzito katika mimba, ni vyema kuwasiliana na daktari wako, ili kuhakikisha kuwa kiinitete chako hakiathiriwi.
Kuwa na mpango mahususi kuhusu kupunguza uzito katika mimba
Ukuaji na maendeleo ya mtoto tumboni hutegemea mama, virutubisho anavyo tia mwilini na kisha kumfikia mtoto. Kuwa na uzani wa mwili wa kupindukia, kunaweza sababisha matatizo kama vile:
- Kujifungua kabla ya wakati
- Matatizo ya moyo kwa mtoto
- Mtoto kuugua kisukari baadaye maishani
- Mama kuwa na shinikizo la damu la juu
- Kukosa usingizi
- Kufura miguu ama damu kukosa kuzunguka
- Maambukizi kwa mama
- Kifo cha mtoto tumboni
- Kujifungua kupitia kwa upasuaji wa c-section
Hata na hatari hizi, kumbuka kuwa haupaswi kukimbilia mbinu zinazo kuahidi matokeo ya kasi. Hakikisha kuwa unatumia mpango kabambe na wenye afya unao angazia mabadiliko ya mitindo yenye afya ya maisha. Daktari wako akikuruhusu kupunguza uzani katika ujauzito. Unaweza fanya haya.
- Fahamu kiasi cha uzito unacho hitajika kuongeza
Hakikisha kuwa hautabadili kupunguza uzito kuwe lengo lako kuu. Kila mwanamke mjamzito huongeza uzito wa mwili, kwa hivyo, usiwe na shaka kubwa. Kuna mwongozo kutoka kwa Shirika Kuu la Kisukari na Magonjwa yanayo husika na Figo na Uchakataji unao kusaidia kujua uzito unaopaswa kuongeza unapokuwa na mimba.
2. Punguza wanga unao kula
Sharti la kwanza la kukata uzito ukiwa na mimba huwa kupunguza kiwango cha wanga unacho kila. Hakikisha kuwa unakula kiwango kidogo cha wanga kila siku kwani mtoto wako bado ana hitaji virutubisho kutoka kwa wanga. Kumbuka kuwa wanawake wajawazito hawapaswi kula chini ya kalori 1,700 kwa siku. Ili kuhakikisha kuwa mwili wako unapata nishati.
3. Fanya mazoezi angalau dakika 30 kwa siku
Kuna imani kuwa wanawake wajawazito hawapaswi kufanya mazoezi kwani huenda waka mwumiza mtoto. Imani hii sio kweli. Kuna baadhi ya mazoezi ambayo sio salama ukiwa na mimba, lakini mazoezi kwa ujumla yana manufaa mengi. Mazoezi yata kusaidia kupunguza maumivu ya mwili, na kukusaidia usiongeze uzani mwingi. Kumbuka kufanya mazoezi mepesi.
Soma Pia: Dalili Za Mimba Ya Kiume: Jinsi Ya Kufahamu Jinsia Ya Mtoto Unaye Mtarajia
