Kwa mjamzito, bed rest katika mimba ama mapumziko ya kitandani wakati wa mimba huenda yakaonekana kama nafasi nzuri ya kulala. Hata hivyo, vikwazo katika mimba huenda vikawa na hatari ya kiafya.
Je, mapumziko ya kitandani wakati wa mimba yanashauriwa?
Hakuna ushahidi kuwa mapumziko ya kitandani katika mimba, mwanamke akiwa nyumbani ama hospitalini yana saidia kuepusha kujifungua kabla ya wakati ama kupunguza hatari ya uchungu wa mama usiokomaa.
Kupunguza kufanya kazi na mwendo husaidia?
Ikiwa mwanamke hana hatari zozote za kupata uchungu wa mama usiokomaa ama hayuko katika hatari ya kujifungua kabla ya wakati, daktari anaweza kumshauri kutofanya kazi, kupunguza kazi anazofanya ama kupunguza mwendo. Kwa wanawake wanaofanya mazoezi makali, wanahitajika kupunguza mazoezi wanayofanya kwa siku. Kutoinua uzito ama kukoma kufanya mazoezi kwa muda hadi wanapojifungua.
Kwa wajawazito wanaokwazwa kazini, kufanya kazi ngumu, kufanya kazi usiku ama kusimama kwa muda mrefu kazini, hushauriwa kubadili ratiba yake ya kazi. Mwanamke aliye na mimba ya hatari pia hushauriwa kujitenga na tendo la mapenzi pamoja na mazoezi ya aina yoyote.
Athari hasi za mapumziko ya kitandani
- Damu kuganda kwenye mishipa kama vile ya miguu
- Kusombwa na mawazo
- Kutatizika kupata utunzaji wa mtoto
- Matatizo ya kazini na fedha
Aina ya mapumziko ya kitanda
Kuna ushahidi kuwa bedrest wakati wa ujauzito huwa na athari hasi kwa mjamzito. Kwa hivyo, mapumziko ya kitandani katika mimba yanapaswa kuwa kwa kipindi kifupi. Tazama aina za mapumziko ya kitanda.
Mapumziko ya mwisho wa kitandani
Katika aina hii, mama anakubalishwa kufanya kazi kwenye dawati, kufanyia kazi nyumbani na pia kutembea lakini kwa muda mfupi.
Mapumziko mazuri ya kitandani
Katika aina hii, mjamzito anaruhusiwa kuwa kitandani na anapotoka, anaenda msalani na bafuni pekee. Mwanamke haruhusiwi kutumia ngazi.
Mapumziko ya kitandani hospitalini
Hii ni aina ya mapumziko yaliyo makali zaidi. Katika aina hii, mwanamke anabaki hospitalini hadi wauguzi wanapohisi kuwa ni salama kwake kurudi nyumbani. Hakubalishwi kufanya kazi zozote.
Daktari anaposhauri aina hii ya mapumziko katika mimba, ni vyema kuwa na mazungumzo ya kina naye. Kujua sababu za ushauri ule na iwapo kuna njia mbadala mnaweza kutumia kutatua hali hizo mbali na kutumia mapumziko.
Soma Pia: Kuinama Katika Ujauzito Kuna Athari Kwa Fetusi: Madhara Ya Kuinama Kwa Mjamzito
