Vidokezo 12 Muhimu Vya Kuwa Na Mimba Yenye Afya

Vidokezo 12 Muhimu Vya Kuwa Na Mimba Yenye Afya

Afya bora ni muhimu sana kwa mama mwenye mimba iwapo angependa kuwa na ujauzito wenye afya.

Wavyele wetu walikuwa na mila na imani tofauti kuhusu ujauzito. Ila siku hizi, mambo yamebadilika na kwa upole, mila hizo zinaendelea kufifia. Wazazi wa siku hizi hawaangazii kwa makini mambo ambayo wazazi wao walifuata. Shukran kwa teknolojia na jumbe za maarifa zilizoko kwenye mtandao, wazazi wa mara ya kwanza wanapata elimu kuhusu jinsi ya kuwa mzazi, na kuongozwa mambo ya kufanya katika safari yao ya ujauzito na kuwa na mimba yenye afya.

Kuwa mjamzito hakumaanishi kuwa mama anapaswa kujiachilia. La hasha, huu ni wakati wa kujitunza zaidi, kwani ina kiumbe kingine kinacho kua ndani yake na afya ya kiumbe hicho inamtegemea. Kuna ushauri mwingi ulioko kwenye mtandao na hata kutoka kwa jamii na marafiki ambao ni wa maana sana kwa mama mjamzito. Punde tu unapo gundua kuwa unatarajia, ni vyema kumtembelea daktari wako ili uanze utunzi kabla ya kujifungua. Tuna angazia baadhi ya vidokezo muhimu kwa mama mjamzito kumhakikishia kuwa ana mimba yenye afya.

mimba yenye afya

Vidokezo Vya Kuwa Na Mimba Yenye Afya

  1. Anzia utaratibu wa kunywa vitamini za kabla ya kujifungua                                                                              Jambo la kwanza mama mjamzito analo shauriwa kufanya ni kumtembelea daktari wake ama kwenda kwa hospitali iliyo karibu ili aanze utaratibu wa kunywa vitamini za kabla ya kujifungua. Zina saidia katika ukuaji wa mtoto aliye tumboni mwake.
  2. Fanya mazoezi mara kwa mara                                                                                                                                      Mazoezi ni jambo la muhimu ambalo wamama wengi hupuuza wanapo kuwa na mimba. Baada ya kufahamu kuwa wana mimba, mabinti wengi husimamisha kila kitu maishani mwao na kuanza kula vitu tofauti. Mimba huja na matamanio tofauti ya vyakula. Kwa hivyo kula chakula kingi bila kufanya mazoezi kuna hatarisha maisha ya mama na kumweka kwa hatari ya ongezeko la uzito. Uzito mwingi wa mama utafanya mtoto kuzaliwa akiwa mkubwa ama mama kuwa na changamoto anapo jifungua.
  3. Soma kuhusu mimba na safari ya ujauzito                                                                                                                   Hasa kwa mama wa mara ya kwanza, ni vyema kujielemisha kuhusu mimba. Kuna vitabu vingi ambavyo vinaweza kusaidia kupata maarifa zaidi kuhusu safari hii na kukutayarisha kwa maisha yako mapya baada ya kujifungua.                                                                                                                                                                                              jinsi ya kupata mtoto mrembo
  4. Badilisha kazi unazo fanya na uanze kufanya kazi nyepesi                                                                                   Trimesta ya kwanza ya ujauzito huwa nyeti sana na mama anapaswa kujitunza na kiinitete kinacho kua tumboni mwake. Kufanya kazi ngumu ama kubeba vitu vizito huenda kuka athiri afya yake na ya mtoto. Ama hata kusababisha kuharibika kwa mimba. Mama mwenye mimba anashauriwa kufanya kazi nyepesi.
  5. Badilisha viatu unavyo valia, viwe vya kustarehesha                                                                                             Katika siku za ujana, mabinti wengi wanapenda kuvalia viatu virefu. Lakini wanapo kuwa na mimba, mama anashauriwa kuvalia viatu ambavyo sio virefu kuepuka kushinikiza mgongo na kuathiri tumbo yake. Katika kipindi hiki, mama anapaswa kuwa na starehe, anapo fanya kazi na kutembea.
  6. Angalia lishe yako                                                                                                                                                                 Lishe ni muhimu sana kwa mama mjamzito kwa sababu mtoto ana tegemea chakula anacho kula. Kwa hivyo hakikisha kuwa unakula vyakula kutoka kwa vikundi vyote hasa protini na vitamini. Epuka kula vyakula vilivyo na mafuta nyingi.
  7. Kula vyakula vilivyo na kalisi                                                                                                                                             Kalisi ni muhimu sana katika ukuaji wa mifupa na sio kwa watu wa kubwa tu mbali kwa kiinitete pia. Kwa hivyo hakikisha kuwa lishe yako ina viwango tosha vya kalisi.
  8. Hakikisha lishe yako ina samaki na fiber                                                                                                                     Fiber ni muhimu sana katika ujauzito, ina epusha mama kuwa na tatizo la kuzuiia kwenda msalani ama kufura tumbo ambalo ni kawaida katika mimba. Samaki ina mpa viwango tosha vya Omega-3. Kwa hivyo hakikisha kuwa chakula chako kina vitu hivi.
  9. Kunywa maji angalau glasi nane kila siku                                                                                                                   Maji ni muhimu sana katika ujauzito. Yana saidia na mzunguko wa damu mwilini na pia kusaidia kupitisha chakula kutoka kwa mama hadi kwa mtoto. Hakikisha kuwa maji unayo kuwa ni safi kuepuka kupata maradhi katika kipindi hiki cha ujauzito.                                                                                                                                                  kunywa maji moto katika mimba
  10. Koma kunywa pombe na kuvuta sigara                                                                                                                         Kila kitu ambacho mama anachukua anapo kuwa na mimba huathiri kiinitete. Pombe na sigara zina athari hasi kwa mtoto wako baada ya kuzaliwa. Huenda akawa na uzito mdogo wa mwili ama hata kuzaliwa kabla ya wakati. Pia huenda akawa na matatizo ya mwili. Hakikisha kuwa unakoma kuchukua vitu hivi punde tu unapo gundua kuwa una mimba.
  11. Pata usingizi tosha kila usiku                                                                                                                                        Usingizi ni muhimu sana kwa mama na mtoto. Na baada ya kubeba kiumbe kingine tumboni mwako siku yote, unahitaji kupumzika kwa angalau masaa nane kwa siku. Pia unapo lala, mtoto anapata wakati wa kupumzika. Nyote mnahitaji mapumziko haya.
  12. Epuka kununua dawa kwa maabara bila ushauri wa daktari                                                                             Kuna dawa ambazo huenda zika athiri mimba yako ama mtoto anaye kua tumboni mwako. Hakikisha kuwa dawa zote unazo kunywa zime shauriwa na daktari wako. Mama anashauri kuepuka kunywa dawa kadri awezavyo kwani nyingi huwa na athari hasi kwa mtoto.

Afya nzuri ni muhimu sana kwa mama mwenye mimba. Unataka kuhakikisha kuwa mtoto wako ana zaliwa akiwa na afya na bila matatizo yoyote ya afya. Mambo unayo fanya ukiwa na mimba yana athiri afya ya mtoto wako itakavyo kuwa hata akiwa mtu mzima. Kwa hivyo hakikisha kuwa una fanya uamuzi wa busara katika yote uyafanyayo.

Chanzo: San Diego Health

Soma Pia: Matatizo Ya Ujauzito Yanayo Wakumba Wanawake Afrika

Written by

Risper Nyakio