Nausea Wey Dey apun For Pregnancy: Causes And Treatment

Nausea Wey Dey apun For Pregnancy: Causes And Treatment

Wen woman cari belle, vomit na wan of de first tins we dey take know. But, wetin dey cause dis tin and how she go fit manage am?

Your pregnancy nor be only bundle of joy e be, some other feelings of discomfort dey follow am as well. Nausea (feeling like sey person wan vomit) for pregnancy na one of de most symptoms wey pregnant women report sey dem dey experience. Up to 70 percent of mama wey dey expect pikin dey experience nausea  wey dey hapun because of pregnancy. Nausea na one of dem early signs of pregnancy. Also na common symptom wey dem dey experience throughout de first trimester, and sometimes even longer. While nausea fit cause you discomfort, de great tin be sey e nor dey harmful either to you or your baby. In fact, dem dey see am as indication of healthy pregnancy.  Nausea na very important part of de popular condition known as morning sickness.

Your Nausea Na For A Good Cause

According to research, if you experience nausea for your first trimester, e dey likely sey you no go suffer miscarriage. Research suggest sey na de pregnancy hormone (HCG) dey responsible for dese feelings of nausea for pregnancy. Your pregnant body begin to dey produce HCG immediately de fertilized egg don attach join de uterine lining. E dey possible sey nausea and vomiting during pregnancy indicate sey you dey experience de climb in de hormones wey you need for healthy pregnancy.  Women wey dey get severe morning sickness get higher HCG levels pass other pregnant women wey no dey get. In addition, women wey get more dan on pikin inside, wey dey more likely to experience morning sickness, also dey get higher HCG levels.

Causes Of Nausea During Pregnancy

  • HCG na de first accuse wey dey cause nausea. As your body dey make de pregnancy hormone, you go dey experience feeling sey you wan vomit.
  • De oestrogen hormone dey also rise for early days of pregnancy and e fit add join de feelings of nausea.
  • Your sensitive stomach fit get worse as you dey try to adapt to de changes of pregnancy.
  • Stress or fatiguena wetin dem suggest sey e fit cause physical reaction within de body, dis fit lead to nausea and vomiting.

When to expect nausea during pregnancy

Nausea usually begin within de first four to eight weeks wen you get belle. Na early pregnancy symptom dey start within dem four to eight weeks of gestation and e go reduce around 13 and 14 weeks for wen belle enta. But, for some pregnant women e fit start early and last long pass de first trimester. Also, no be every pregnant woman go experience nausea de entire duration of de first trimester. E fit last only for a couple of weeks or come and go throughout de first few months.

Dem dey call de condition morning sickness, even though de symptoms no dey only show up for dem mornings. In fact, research show sey “morning sickness” actually dey happen more often throughout de entire day, rather dan just for de early hours.

Morning Sickness Facts

wen to expect nausea for your pregnancy

Over 50% of pregnant women experience morning sickness. Morning sickness refer to de nauseous feeling wey you fit have during de first trimester of pregnancy, na de increased hormones for your body fit dey cause am.

Morning sickness fit come along with vomiting. Many doctors tink sey morning sickness na good sign because e mean sey de placenta dey develop well. Nor fear at all, plenty ways dey to helep give you morning sickness relief.

Home Remedies To Helep Prevent and Treat Nausea Inside Pregnancy

  • Avoid foods and smells wey fit trigger your nausea.
  • Keep some crackers for your bedside and eat some before you comot for bed. Give some room for digestion, and rise slowly when you don ready to get out of bed.
  • Eat small small meal more often instead of three big meals during de day.
  • Drink less water/fluids with your meals, and drink dem between meals instead.
  • Eat dry, plain foods like dem white rice, dry toast, or a plain baked potato instead of dem richer, creamier foods.
  • Suck on candy. Keep dem ready for inside your purse and by your bed.
  • Make fresh air dey enter your room. Take regular walks outdoor to get some fresh air.
  • Get plenty of rest. Listen to your body wen you dey tired, lie down for a while.
  • Drink ginger ale, lemonade or ginger tea to reduce feelings of nausea.
  • Talk to your dokito about de prenatal vitamins wey you dey take. Too much iron for de body fit cause nausea, and to switch to different vitamin fit help.
  • Ask your doctor about taking vitamin B-6 supplement, e dey proven sey e fit helep reduce nausea and vomiting.

Serious Pregnancy Conditions With Severe Nausea Are:

  • Hyperemesis Gravidarum.Dis na medical condition wey fit cause you to lose essential nutrients wey you need during pregnancy. De symptoms na severe nausea, vomiting, weight loss, and sometimes electrolyte disturbance. Mild cases fit dey treated with dietary measures, rest, and antacids. More severe cases often require make you stay for hospital so de mama fit receive fluid and nutrition through an intravenous line. Consult your dokito before you take any medication.
  • Molar Pregnancy. E dey occur when an abnormal growth of tissue dey develop within de uterus.

Read also: Relief from pregnancy nausea: Have you tried these remedies?

Resource: American PregnancyMayo Clinic

Written by

Tony S Abiodun