5-year-old boy wey get liver cancer apologise to im mama before im die

5-year-old boy wey get liver cancer apologise to im mama before im die

To see person wey you love ey suffer no easy at all. But, e get some kine things wey you go do for your own side to helep am.

"Now, it’s time to fly, I am so, so proud of you. You fought this so hard,” Na wetin Charlie mama talk be dis.

To watch person wey you love suffer from disease and pain na one of de most painful tin wey person fit experience, and pikin wey dey battle with cancer experience dey crush de soul. Here, we share de tory wey dey break de heart about one little boy and as e take fight with cancer.

Pikin fight with cancer: Hepatoblastoma, a rare liver cancer

pikin fight with liver cancer

Im come from Church, im name na Charlie Proctor from U.K. and im don dey battle Hepatoblastoma, rare cancer wey dey start from inside de liver, since February 2016, according to The Straits Times, wey British news outlet come report am.

De 5-year-old don before before go through successful surgery for Birmingham Children’s Hospital for U.K, and im cancer comot.

But de bad tin be sey, tin go back to worse and Charlie cancer show face again.

As e don be like dat, im parents, Amber Schofield and Ben Proctor, come result to go Facebook to appeal to people make dem helep raise £855,580 (S$1.53 million). Dis na because dem wan pay for life-saving treatment for dem pikin fo the United States.

Dem don almost reach half of de amount wey dem target, dem don raise  $611,600. Even de popular USA pop star wey dem dey call Pink give £10,000.

But de bad tin be sey, by dat time, dem tell dem sey de cancer wey Charlie get don become incurable” and im dey “too sick for treatment”. De treatment suppose included liver transplant, according to CTV news.

Pikin wey battle with cancer beg im mama before im die

5-year-old boy wey get liver cancer apologise to im mama before im die

At de time wen dem born am, Charlier weigh 9’11 lb, Charlie na “the cuddliest baby ever!” according to wetin im mama Amber yan. But after deadly cancer strike, de condition of Charlie become worse.

According to Amber- Im AFP don high now sotey de machine nor fit read dem again. Im liver function na de same apart from im Bilirubin, wey don double and cause Charlie skin colour to be yellow. | Photo: FACEBOOK/ Charlie’s Chapter

Along de way, Amber talk many times sey im pikin “no longer looks like Charlie.”

“He’s so thin, I can see and feel every bone in his tiny body, his sunken face, his rolling eyes.”

“I don’t know what to do anymore” na dis kain word de small boy tell im mama Schofield. “He’s sad, he’s tired, he’s fed up and depressed.”

After nearly three years after dem don diagnose am with Hepatoblastoma, Charlie take im final breath for Nov 9 2018, last Friday in de most heartbreaking way possible.

“Last night at 23:14 my best friend, my world, Charlie, took his final breath. He fell asleep peacefully cuddled in my arms with daddy’s arms wrapped around us,” Amber talk.

Hours before de pikin die, Amber share for one Facebook post as she quote wetin Charlie talk.

“Mummy, I’m so sorry for this,” Charlie tell im wanna with “quietest, panting voice”.

De truth be sey, im don dey disturbed dat day as im dey shift postion. He  wan “lay down, sit up, lay in bed, then on the beanbag, then on the sofa, then back upstairs and so on…,” de mama talk.

Amber tank Charlie sey no be only sey im show her wetin “love really means” but because im give her de chance to take be mama.

A “best friend” and “biggest inspiration,” na wetin Charlie go always be to her.

Read Charlie’s and im family story for dem Facebook post below:

Questions wey you fit get if your pikin battle with cancer

Below na some suggestions as to wetin fit dey go trough your mind if your child get cancer. But always talk with de health care team for your pikin to beta understand how you go fit deal with de diagnosis of your pikin.

1. Who suppose tell my pikin?

De pikin dey always dey know about de diagnosis from de doctor at de same time wen you dey learn about am. But, in case na you wan reveal am to your pikin, you fit get some advice from dem dokito or nurse as you go fit answer im question.

2. Wen be de time wey I suppose let my pikin know?

Let your child know wetin dey happen as soon as possible, dat one go helep build trust between both of you. You fit share de news bit by bit.

3. Wetin I suppose tell my pikin?

Wetin you share with your pikin depend on im age and how much dem fit understand.

  • Provide clear, simple information, no matter how old or young dem be. De information must make sense to dem.
  • Let dem know wetin to expect using ideas and words wey dem understand
  • Explain to dem how de treatment go make dem feel and when sometin go hurt
  • Show dem sey strong medicine and treatments don helep dem other pikin

4. How much my pikin suppose know?

Give dem understanding of de basic facts about de illness, treatment and wetin dey suppose expect. You no need to dwell on de details or let dem know too much in advance.

De koko be sey, start with small amounts of information wey dem fit understand. Try to not let dem reason de case beyond normal — especially wen e don come to questions wey dem get wey you no fit answer.

Answer deir questions honestly and always communicate with each other. E fit helep greatly. Never dey untruthful to dem.

5. How my pikin go react?

Some fit worry, others fit get upset or become quiet, afraid, or defiant. E depend on each pikin. Some dey express how dem dey feel for word, others na for action. Expect sey some days fit dey rough, and others fit dey much easier. Tell your pikin, and find ways to show him or her her, sey you go always dey dere for him or her.

6. Wetin I fit do to helep my pikin cope?

Mama and papa, children dey copy dem parents, whether you notice dem or you no notice. To dey calm and hopeful go helep. Show dem love. You fit listen to dem as dem yan deir mind, some dey feel beta after dem don talk. You fit let dem engage for dem activities such as drawing, writing, playing games or listening to music.

Read also: Mum of cancer-stricken child pleads with other mums to vaccinate their kids

Source: The Straits TimesNational Cancer Institute

 

Written by

Tony S Abiodun