Nini sababu ya matiti kutoa maji wakati wa ujauzito? Matiti kutoa maji katika mimba ni jambo la kawaida kwa maziwa ya mama kutoa maji anapokuwa mimba.
Maziwa ya mama kutoa maji
Wakati ambapo mama huanza kutoa maziwa huwa tofauti kati ya wanawake. Hakuna wakati hasa wa kitu chochote kufanyika katika mimba, kila mimba na kila mwanamke hushuhudia vitu tofauti. Baadhi ya wanawake wanaweza kuona maji yakitoka kwenye maziwa katika muhula wa pili wa ujauzito, huku wengine wakianza katika muhula wa tatu.
Usiwe na shaka wala kuanza kuona haya jambo hili linapofanyika ukiwa nje ya nyumba. Ongezeko la viwango vya homoni ya prolactin mwilini husababisha maziwa ya mama kutoa maji ama maziwa muda kabla ya kujifungua. Maziwa ya mama yanapochechemuliwa, kwa kupiga mesi ama wakati wa tendo la ndoa, maziwa ya mama hutoa maziwa ama maji.
Kadri mama anavyokaribia kujifungua, ndivyo ambavyo utoaji wa maziwa kutoka kwa chuchu unavyoongezeka. Huenda wanawake wengine wakakosa kushuhudia hili hadi wanapojifungua.
Jinsi ya kukabiliana na maziwa ya mama kutoa maji
Usiwe na shaka. Hata kama maziwa kutoa maji katika mimba sio jambo lenye starehe, usiwe na shaka sana. Baada ya kujifungua, tatizo hili litaisha.
Tumia pedi za maziwa. Matiti kutoa maziwa husumbua hasa unapohitajika kutoka nje ya nyumba. Ili kuepuka hali ambapo maji yanaonekana kwenye blausi yako, tumia pedi za maziwa. Kuna aina nyingi ya pedi, tafuta zitakazokufaa zaidi.
Sindiria za maternity. Sindiria za pamba huwa na starehe zaidi ikilinganishwa na za kawaida.
Kuwa na mavazi zaidi. Beba sindiria na blausi moja zaidi kwenye mkoba wako unaposafiri.
Wakati wa kumwona daktari
Matiti kutoa maji katika trimesta ya tatu sio jambo linalostahili kukaguliwa na daktari. Lakini mama anapotoa matone ya damu ya viowevu vinene, anapaswa kwenda kufanyiwa vipimo.
Maziwa ya mama kujitayarisha kunyonyesha ni mojawapo ya sababu ya matiti kutoa maji wakati wa ujauzito. Usiwe na shaka unapogundua kuwa matiti yako yanatoa maziwa.
Soma Pia: Matatizo Ya Kuwa Na Shinikizo La Juu La Damu Katika Ujauzito
