Fahamu Faida Za Kula Mayai Kwenye Lishe Yako
Mayai yana fahamika sana na pia kuliwa kwa wingi duniani kote. Yana tayarishwa kwa njia tofauti na ni muhimu sana kwa afya yako. Je, unafahamu umuhimu wa kula mayai kwenye lishe yako?
Umuhimu Wa Kula Mayai
1.Mayai yana protini
Yai moja lina gramu 6 za bidhaa iliyo na amino acids ambazo ni kuu katika ujenzi wa protini. Ni muhimu kwa sababu mwili wako hauna uwezo wa kutengeneza peke yake. Sehemu nyeupe ya yai huwa na nusu protini na kiwango kidogo cha ufuta na kolesteroli.
2. Yana virutubisho vingi
Yai lina virutubisho vingi, vitamini, madini na amino acids kwa kila kalori ikilinganishwa na vyakula vingine. Unapo kula yai, unapata:
- Protini yenye ubora
- Selenium
- Antioxidants
- Phosphorous
- Choline
3. Mayai yana kolesteroli nzuri
Kolesteroli nzuri inayo fahamika kama HDL huonekana kuongezeka kwa watu wanao kula mayai 3 ama zaidi kwa siku. Kolesteroli mbaya LDL huongezeka pia. Inakuwa vigumu kwa isiyo kuwa nzuri kukuumiza na kufanya iwe rahisi kwa ile nzuri kutoa isiyo faa mwilini.
4. Kupunguza nafasi zako za kupata kiharusi
Hata kama utafiti unatofautiana, inaonekana kuwa kula yai kila siku kunapunguza hatari hiyo. Katika utafiti uliofanyika Uchina, watu walio kula angalau yai moja kwa siku walikuwa na nafasi asilimia 30 kidogo za kufa kutokana na kiharusi ikilinganishwa na wale ambao hawakula mayai.
5. Kusaidia kuhisi umeshiba
Mayai ni mazuri sana kwa watu walio na lengo la kupunguza uzito wa mwili. Lina kalori 70 na ni rahisi kuchakatwa na kutumika mwilini. Kwa hivyo kukufanya uhisi umeshiba upesi unapo kula pamoja na mboga zingine.
6. Kusaidia na afya ya macho
Yana saidia macho yako kwa sababu yana antioxidants lutein na zeaxanthin zinazo kusaidia kuepuka magonjwa ya macho. Baadhi ya magonjwa yaliyo maarufu zaidi ya macho ni cataracts. Mboga za kijani kama vile mchicha na sukuma wiki zina antioxidants hizi lakini mayai ni chanzo bora zaidi. Kwa sababu ufuta ulioko kwenye mayai ni rahisi kutumika mwilini mwako.
7. Kufanya ubongo uwe shupavu
Mayai yana vitamini D ambayo ni nzuri kwa sehemu ya kijivu na vigumu kupata kutoka kwa chakula chochote. Na yana choline inayo saidia na seli za neva. Choline pia ni muhimu sana kwa wanawake wenye mimba na wanao nyonyesha kwa sababu ya jukumu lake katika ukuaji wa ubongo.
Njia za kutayarisha mayai
Kuna njia nyingi ambazo unaweza tumia kutayarisha mayai yako. Huenda ukachagua:
- Kuchemsha
- Kukaanga
- Kupiga yaliyo pigwa(scrambled)
Soma pia:Je, Ungependa Usaidizi Wa Kupanga Ratiba Ya Lishe Ya Wiki Moja?
