Low libido: Causes and treatment for low sex drive
E dey normal if you nor dey in de mood for sex sometimes, but you suppose dey concerned wen your sex drive disappear patapata. Low libido fit get big impact on your relationship and your self-esteem, so e dey very important to fix de problem as soon as you notice am. Before we go yan de ways you fit revive your sex drive, you suppose understand wetin be de meaning of libido and why e be problem if e dey low.
Netdoctor.com define libido as person interest for sexual activity. E nor get wetin really dey normal or wetin nor dey normal wen e come to libido. Everyone get im own normal when e come to sex drive. Person biology and personality dey often influence sex drive.
Person get low libido wen im no get interest for sex mata for an extended period time. According to de NHS, one out of every five men get low libido. Dis number even dey higher for women.
De question na: why someone go suddenly develop hatred for sex? To answer dis question, you suppose understand de possible cause of low libido.
Dis condition fit get physical or psychological causes. Physical factors wey fit affect person sex drive include:
- Hormonal imbalance
- Drugs and alcohol
Day to day stress fit affect how person feel about sex. Low energy levels fit leave you tired and uninterested inside everything, even sex.
Hormonal problems like underactive thyroid and hypothyroidism fit cause weight gain, exhaustion, and of course, low libido.
Polycystic ovarian syndrome (PCOS) fit also cause infertility, irregular periods, acne, and dem plenty of other issues. To add join am, e fit get negative impact on sex drive.
Menopause come with a drop in estrogen, testosterone, and progesterone. Dese sex hormones, if dem don reduce, e fit make person desire for sex drop. Women wey dey dis kain stage for dem life often find am difficult to get aroused.
Libido fit dey fluctuate throughout pregnancy. Some women go find sey dem dey get plenty desire for sex while some no go get desire for sex at all. All dis gat to do with de hormonal changes wey dey follow come with expecting a baby.
Chronic alcoholism fit get impact for person sexual function. Drug addiction fit also pose as some problem wen e come to sex.
Birth control pills and other methods of contraception fit cause make you dey de mood for sex. E get link between oral contraceptives and reduction in libido and overall sexual enjoyment. Dese dem pills affect women at de hormonal level, and most times de only way to take reduce deir effect na to discontinue using dem altogether.
You don ever read de leaflet for your medication and find sey dem put low libidos as one of de possible side effects? Dis one dey common even though some people nor dey take dem time to research de drugs wey dem wan take. Anti-depressants and blood pressure medications na some of dem drugs wey fit cause low libido.
• Relationship issues
According to Healthline.com, depression fit occur due to chemical imbalances for person brain. Since sexual desire dey controlled by chemicals for de brain, depression fit disrupt dese chemicals and cause sexual dysfunction. Also, person wey dey dey depressed nor dey usually get desire to do anything fun, including sex.
Anxiety and low libidogo dey go hand in hand. Dis na because anxiety dey affect person happiness and fit also affect sexual arousal.
People wey dey go through rough patches for dem relationships go find sey e dey get really difficult to get in de mood for sex. If cheating or abuse dey involved, den de lack of trust fit get negative impact on de relationship.
Treatment for low libido
To spike up your libido dey possible if you take time to address de cause of de problem.
- Enjoy foreplay
Spend time to kiss and touch your partner and allow make dem do dat to you, too. Dis go allow your body to get aroused and dey in de mood for intimacy.
- Switch tins up for bedroom
If you dey find sex to be repetitive and same same, to switch tins up for bedroom dey necessary. E fit dey hard at first to get out of your comfort zone, but you need to make change if you desire change for your situation.
- Talk about sex
To address de issue fit go long way to increase your low libido. Talk to your partner about your fears, expectations and de changes wey you dey hope to see. Hope dey sey dem fit walk with you through de problem.
- Work out
Exercise nor dey only good for your body, e also dey helep boost mood. Your body go releases endorphins—happiness hormones—wen you work out.
- Talk to your dokito
If you dey take medications wey dey affect your libido, make you let your dokito know. E fit dey possible to switch dem out for something wey no get damaging effects for your sex drive.
- See a sex therapist
A sex therapist go helep you deal with de problem wen every other tins fail.