Yur 6 Years 2 Months Old Pikin Development And Milestones
In this article, we look at common 6 years 2 months old child developmental milestones. Check if your child is on track with this information.
Yur darling pikin wen don reach 6 years 2 months old now don turn independent primari-schooler wen like to meet new pipo and make new friends.
Yur pikin don dey independent both intellectualli and emotionalli. So, sometimes yu fit see sey yur pikin no go ask make yu help am plenti like he/she been dey do.
If yu dey wonda wetin yu fit expect from yur 6 years 2 months old pikin, we don write list of development and milestones wen yu fit expect.
As we dey take yu pass all dese important developments, make yu remeba sey each pikin dey different from de oda and go dvelop for him own pace. If yu get questions, make yu ask yur doktor.
6 Years 2 Months Old Pikin Development and Milestones: Shey Yur Pikin Dey On Track?
By dis age, yur pikin median weight and height suppose be:
– Height: 116.73 cm (46 inches)
– Weight: 21.17 kg (46.7 lb)
– Height: 116.2 cm (45.7 inches)
– Weight: 20.7 kg (45.7 lb)
Yur 6 years 2 months old pikin don masta him/her physical skills like to jump, throw, kick and catch.
So allow yur pikin time to play outside, make he/she fit practice all dese skills.
Yur pikin dey likeli to dey good for group sports once he/she fit undastand and follow instructions well.
Wen yur pikin do some of dese kine sports, e no go onli teach am social skills but go also lay foundation for future development.
Minus dat one, physical activiti dey of betta benefit for yur pikin brain development as e go improve di motor skills wen he get.
Some development wen yu fit see for yur pikin na.
He/ she suppose don dey:
- Dey good with basic physical skills.
- Learn how to swim.
- Show betta balance.
- Stand on top one leg pass 9 seconds.
- Fit throw/catch small ball.
- Fit dance to rhythm of music.
- Allow yur pikin play outside and make he/she take some class for sports.
- Make sure sey yur pikin get pass one hour of physical activiti efiri day.
- Teach yur pikin how to stretch before he do any kine physical activiti.
- Tell yur pikin about nutrition and make yu allow am follow sometimes wen yu dey go buy groceri from supermarket.
- Reduce di time wen yur pikin dey take watch TV.
Wen yu fit follow doktor talk:
If yur pikin,
- No get betta hand-eye coordination and motor skill wen he need for him age.
- No fit wear socks or shoe by himsef.
- Lose skill wen he been get.
Yur pikin brain dey grow fast as he dey pick new mental skill efiri day.
Di way he take dey learn don move from make he dey observe to make he experiment. Na im be sey pikin wen dey dis age go quick learn wen he do am himsef pass wen he dey look oda pipo dey do am.
Yur pikin don also dey curious about things around am and go dey ask question about efiri thing wen he don see, hear or even experience.
So parents, make yu dey expect plenti question from yur pikin for dis age, as he wan learn about things wen dey happen for dis world.
And again, yur pikin go wan solve problem by himsef, especialli he dey go school environment wia yu no dey.
See some cognitive development wen yu go start to notice.
- Don dey learn how to question some kine things.
- Attention span don dey increase.
- Don dey separate wetin right from wrong.
- Get awareness of environment outside house.
- Fit cope with task wen dey complicated for house and school.
- Enjoy challenge wen games and puzzles get.
- Get patience wen yu dey ansa yur pikin questions.
- Relate efiri thing wen dey happen for di day to maths/counting.
- Give yur pikin quiet place for schoolwork.
- No dey force yur pikin make he dey studi wen e no dey necessari.
- Encourage yur pikin make he dey creative as he dey play.
- Take yur pikin to wia he fit learn from, wen dey interesting.
Wen yu fit follow doktor talk:
If yur pikin,
- No fit dress by himsef/hersef.
- No recognise him name wen dem call am.
- Dey find am hard to follow oda pipo talk.
- No fit count 1 to 10.
- Still neva sabi read two letter words.
Social and Emotional Development - 6 Years 2 Months Old Pikin
Yur 6 years 2 months old pikin don turn oga wen e reach to make and maintain relationships or wen he dey learn how to socialise with friends dem.
Yur pikin go learn values like how to share and dey grateful, so no dey shocked if yur pikin dey share him toys with friends. Besides, yur pikin don dey turn expert wen he wan express him emotion or thoughts.
Some development wen yu fit notice for yur pikin na:
- Tell yu wetin he dey feel or think.
- Dey eager to make new friends.
- Sabi di value wen dey to work togeda.
- Pay more attention to him friends.
- No get fear wen he wan meet new pipo.
- Always ask yur pikin how he dey feel.
- Encourage yur pikin make he tell yu wetin dey him mind.
- Teach yur pikin wetin be bully.
- Teach am how to show respect/gratitude.
- Encourage behaviors wen dey good, make yu praise am.
- Teach yur pikin make he no follow strangers talk and why, den tell am di diference between touch wen dey good and bad.
- Set betta example for manners and etiquette make yur pikin see.
Wen yu fit follow doktor talk.
If yur pikin,
- Dey always gum yur bodi.
- No like to talk/follow oda shidren wen be him age play.
- No wan share.
- Follw oda pipo dey too shy/too aggressive.
Speech and Language Development
Now, yur 6 years 2 months old pikin wen be talkative so, dey confident wen he/she dey talk sentence wen dey clear and complete.
He/she suppose don dey pronounce words wen get three-four make he/she no get any problem.
Minus dat side, yur pikin go don dey show interest for reading and writing.
Make we look some common development for pikin wen dey dis age group:
- Vocabulari don dey grow.
- He don sabi sounds wen be consonant.
- Fit tell difference between him tenses for sentence.
- Don dey identifi word pattern.
- Wan sabi wetin word or sentence mean.
- No rush wen yu dey follow yur pikin talk.
- Use music take improve yur pikin language skills.
- Encourage yur pikin make he tell yu how him day go.
- Teach yur pikin new words and dia meanings.
- Ask yur pikin plenti question as e go help am sabi hold conversation.
Wen yu fit follow doktor talk
If yur pikin,
- No wan read at all.
- Dey find am hard to follow direction.
- Dey stammer plenti wen he dey talk.
- Dey always say huh, even afta yu don repeat yursef plenti times.
- No dey fit rememba some part of information wen yu tell am.
Health and Nutrition
By now, yur 6 years 2 months old pikin don get full list of food wen he/she like or no like.
Na im be sey e go hard make yu convince yur pikin make he chop food wen he no like.
Howeva,if yu no look wetin dem like, pikin dis age need food wen dey healthi and get balance diet.
Pikin wen dey dis age suppose dey take dis efiri day:
Di calori wen boys and girls wen dey dis age suppose take na:
- Boys: 1,766 Kcal/day
- Girls: 1,657 Kcal/day
Make sure sey yur pikin drink reach three cups of milk or oda things wen dem make from cow efiri day. But make yu no go give am too much as e fit cause low levels of Vitamin D. Dairy product go make sure sey yur pikin grow healthi and strong.
Institute of Medicine for US, protein na di major thing wen all cells for di body need, and so na veri important part of yur pikin food. So, make parents try give dia pikin protein reach two times daily.
Fruit and vegetable group
Na yur job to make sure sey yur 6 years 2 months old pikin dey get enough fruits and vegetables. Research don show sey parents no dey give dem pikin vegetable like di way wen dem dey give fruits.
Di two dey veri important if yu wan fight sickness and oda health wahala like make yu no fit go toilet. Make sure sey yur pikin get reach one-two cups of vegetables and fruits efiri day.
Yu need to add four ounce of grain to yur pikin diet wen he dey dis age group. Yu fit give am oatmeal, bread, pasta wen yu don cook among oda things. But make sure sey na wetin dem write whole grain put na im yu buy. Reduce anything wen get full-grain inside am.
To summarise efiri thing wen we don dey talk since, see wetin yur pikin need efiri day. Yu fit look up for di amount:
- Fruits: three cups for boys and girls
- Vegetables: two cups for boys and girls
- Grains: four ounces for boys and girls
- Proteins: 36g for boys and girls
- Milk: 17-20 ounces for boys and girls
- Water: 1500 ml for boys and girls (around six cups)
- Give yur pikin food wen get different class inside dem.
- Make sure sey yu get regular time wen dem dey chop.
- No force yur pikin once he sey he don belleful.
- No buy drinks wen get too much sugar or food wen get high fat
- Make yu sef chop wetin dey healthi so yur pikin go follow.
Vaccinations and Common Sickness
Yur 6 years 2 months old pikin suppose don collect plenti vaccine by now. But if he neva collect dem, abeg go see yur doktor make yu fit sabi wetin remain.
See di vaccine wen yur pikin suppose don collect by dis age:
- DTaP vaccine to protect am against diphtheria, tetanus, and pertussis
- IPV vaccine to protect am against polio
- MMR vaccine for measles, mumps, and rubella
- Varicella vaccine wen dey fight chickenpox
- A flu shot wen he suppose collect one efiri year.
Go meet yur doktor if yu wan sabi weda yur pikin immunisation dey up to date.
Treat Common Sickness
Sometimes, even wen yur pikin vaccines complete, he fit still catch some small disease like cold. flu or oda disease like Hand Foot and Mouth disease. So if yur pikin dey show sign sey he no dey comfortable, dey vomit, run belle or get feva wen pass 38°C/100.4°F, abeg run go see doktor.
- Feva: If yur pikin get feva wen pass 38.5°C, yu fit give am paracetamol efiri 4-6 hours. But di first thing yu suppose do na to try some home remedi first like sey yu put warm water compress for yur pikin head, armpits and private part area make di temperature fit come down, but if di feva still no come down yu fit carri am go see doktor.
- Cough: Yu fit first try home remedi for cough like make yu mix ginger and honey inside water wen warm. But if e no help with di catarrh and sneeze, den yu fit buy drugs ova di counta wen dey work for cough and cold for pikin. Before yu buy any medicaine, try make yu ask yur doktor first, so yu fit know weda e dey safe for pikin or not.
- Cold: Unless e don reach wetin yu no fit control, try make yu no give yur pikin medicine wen yu buy for counta. Because na virus dey cause cold and antibiotics no go fit work for am. But if yur pikin dey get feva with di cold, e fit be because of influenza. Yu go need to carri yur pikin go see doktor for dat one.
For oda common sickness like colic, doktor no support make yu buy medicine ova counta take treat am. Instead yu fit try naturopathic and homeopathic medicine take treat colic. If yur pikin don catch chicken pox, no evea give am aspirin because e fit damage him liver and brain. Instead make sure sey yur pikin collect him chicken pox vaccine.
If yur pikin get diarrhoea, no give am medicine wen get Pepto-Bismol and Kaopectate wey contain bismuth, magnesium, or aluminium. Dem dey harmful to infants and toddlers. Instead, make yu give yur pikin water and oral rehydration salts (ORS) to make sure sey yur pikin dey hydrated.
E dey veri important make yu sabi sey if yur pikin feva don high pass 38 degrees, make yu rush carri am go see doktor.
Wen yu need to follow doktor talk
If yur pikin:
- Dey Und/ova weight.
- Get rashes/lumps/bruise wen yu no undastand.
- Dey run belle or vomit constantli.
- Get feva wen high pass 39 degrees Celsius.
Previous month: 6 years 1 month old
Next month: 6 years 3 months old
Republished with permission from theAsianparent